- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
گندے پانی کے جوہڑ کا انسٹاگرام اکاؤنٹ؛ 16 ہزار سے زیادہ فالوورز!
ماسکو: روس کے مشرقی شہر یژنو ساخالنسک میں سڑک کے بیچوں بیچ، گندے پانی کے ایک جوہڑ نے حکام کی لاپرواہی سے تنگ آکر چند ماہ پہلے انسٹاگرام پر اکاؤنٹ کھول لیا۔ یہی نہیں بلکہ اب تک اس اکاؤنٹ کے 16000 سے زیادہ فالوورز بھی ہوچکے ہیں۔
ya_luzha_u_doma کے عنوان سے روسی زبان میں بنائے گئے اس انسٹاگرام اکاؤنٹ پر یہ جوہڑ وقفے وقفے سے دکھ بھری باتیں کرتا ہے اور اپنی مرمت کے بارے میں سرکاری بے حسی پر بھپتیاں بھی کستا ہے۔
تفصیلات کے مطابق، گندے پانی کا یہ جوہڑ آج سے چھبیس سال پہلے، 1994 میں یژنو شہر کی ایک سڑک پر گڑھے میں پانی جمع ہونے کی وجہ سے بنا تھا۔
علاقہ مکینوں نے کئی بار مقامی بلدیاتی ادارے سے شکایت کی۔ کئی بار اس گڑھے کی مرمت کا اعلان بھی ہوا لیکن عملاً اس کی کوئی مرمت نہیں کی گئی اور چند سال کے بعد اس چھوٹے سے جوہڑ نے پھیلتے پھیلتے اس سڑک کے ایک بڑے حصے کا احاطہ کرلیا۔
یہ حالات دیکھ کر قریب ہی رہنے والے ایک نامعلوم شخص نے یہ مسئلہ سوشل میڈیا کے ذریعے اجاگر کرنے کا فیصلہ کیا۔
یہ اکاؤنٹ اس سال ستمبر میں بنایا گیا جس کے ذریعے یہ جوہڑ اپنے اور اپنی وجہ سے پیدا ہونے والے دوسرے مسائل پر خود بات کرتا ہے۔
اپنی پہلی پوسٹ میں اس جوہڑ نے روسی زبان میں جو کچھ لکھا، اس کا خلاصہ یہ تھا کہ اب میں 26 سال کا جوان ہوچکا ہوں اور اس اکاؤنٹ سے میں اپنی تکالیف سے دنیا کو آگاہ کروں گا۔
تب سے لے کر اب تک، صرف چار مہینوں میں یہ اکاؤنٹ اتنا مقبول ہوگیا کہ آج اس کے سوشل میڈیا فالوورز کی تعداد 16 ہزار سے زیادہ ہوچکی ہے۔
اس معاملے کا تکلیف دہ پہلو یہ ہے کہ یژنو کی مقامی حکومت نے 2014 میں اس سڑک کی مرمت اور گڑھا بھرنے کا ارادہ ظاہر کیا لیکن پھر یہ کام 2017 تک ٹلتا رہا۔ چند ماہ پہلے یہ کام 2024 تک مزید مؤخر کردیا گیا۔
تاہم اس وقت یہ جوہڑ، اپنے سوشل میڈیا اکاؤنٹ کی بدولت نہ صرف ساری دنیا بلکہ روسی میڈیا کی نظروں میں بھی آچکا ہے۔ سرِدست یہ دیکھنا باقی ہے سوشل میڈیا پر اس گڑھے کی فریاد کوئی رنگ لاتی ہے یا نہیں!
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔