فرح خان کا ٹوئٹر اور انسٹاگرام اکاؤنٹ ہیک

نیو دہلی: ہیکرز نے بھارتی ہدایت کارہ و پروڈیوسر فرح خان کا ٹوئٹر اور انسٹاگرام اکاؤنٹ ہیک کرلیا۔

بھارتی میڈیا کے مطابق ہیکرز نے نامور بھارتی ہدایت کارہ و پروڈیوسر فرح خان کے ٹوئٹر اور انسٹاگرام اکاؤنٹ کو ہیک کرلیا، فرح خان اپنے شوہر کی مدد سے انسٹاگرام اکاؤنٹ کو تو بحال کرنے میں کامیاب ہوگئیں تاہم ٹوئٹر ہینڈلر ابھی بھی ہیکرز کے پاس ہے۔

View this post on Instagram

A post shared by Farah Khan Kunder (@farahkhankunder)

انسٹاگرام اکاؤنٹ بحال ہونے کے بعد فرح خان نے مداحوں سے ان کی جانب سے کسی بھی پیغام پر ردعمل نہ دینے کی درخواست کرتے ہوئے کہا کہ کہ ٹوئٹر اکاؤنٹ ابھی تک بحال نہیں ہوسکا ہے، ہوسکتا ہے کہ میرے کسی پیغام کاجواب دینے پر آپ کا اکاؤنٹ بھی ہیک ہوجائے لہذا احتیاط کریں۔

فرح خان نے انسٹاگرام اکاؤنٹ بحال کرنے پر اپنے شوہر شریش کندر کا شکریہ اداکرتے ہوئے کہا کہ امید ہے کہ ٹوئٹر اکاؤنٹ بھی جلد بحال ہوجائے گا۔