- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
نیو ایئر نائٹ ساحل سمندر جانیوالی شاہراہیں بند،ٹریفک کے متبادل راستوں کا اعلان
کراچی: سندھ پولیس نے نیو ایئر نائٹ کے موقع پر سخت حفاظتی انتظامات کرلیے، ٹریفک پولیس نے بھی متبادل راستوں کا اعلان کیا ہے ، نیوایئرنائٹ کے موقع پر ساحل سمندر جانے والے راستے بند رہیں گے جبکہ ڈیفنس کے رہائشی افراد کو شناختی کارڈ ہمراہ رکھنے کا حکم دیا گیا ہے ، شناختی کارڈ چیک کرنے کے بعد ہی انھیں ڈیفنس میں داخل ہونے دیا جائے گا ، بغیر سائلنسر موٹر سائیکل چلانے والوں کو بھی گرفتار کرلیا جائے گا ۔
تفصیلات کے مطابق سندھ پولیس نے نیو ایئر نائٹ کے موقع پر شہر بھر میں سیکیورٹی کے انتہائی سخت ترین انتظامات کرلیے ، آئی جی سندھ شاہد ندیم بلوچ نے پولیس حکام کو سختی سے ہدایت کی ہے کہ نیو ایئر نائٹ کے موقع پر شہریوں کے جان و مال کے تحفظ کے لیے ہر ممکن اقدامات کیے جائیں ، ون وہیلنگ اور بغیر سائلنسر موٹر سائیکل پر پابندی پر سختی سے عملدرآمد کرایا جائے ، ساحل سمندر جانے والے تمام راستوں پر پولیس کی بھاری نفری تعینات کی جائے ، ہلڑ بازی کرنے والوں کو فوری طور پر گرفتار کیا جائے ، علاوہ ازیں ایڈیشنل آئی جی ٹریفک سندھ غلام قادر تھیبو کی ہدایات پر ٹریفک پولیس نے بھی نیو ایئر نائٹ کے موقع پر ٹریفک کے متبادل روٹس کا اعلان کردیا ، ٹریفک پولیس حکام کے مطابق کورنگی روڈ پر اختر کالونی سگنل ، ایکسپریس وے اور کورنگی سے آنے والے ٹریفک کو خیابان اتحاد سے ساحل سمندر کی جانب جانے کی اجازت نہیں ہوگی ، مذکورہ ٹریفک کو کورنگی روڈ ، شارع فیصل ، ریجنٹ چوک ، کلب چوک ، تین تلور چورنگی ، دو تلوار چورنگی اور دیگر راستوں کی جانب موڑ دیا جائے گا تاکہ وہ اپنی منزل مقصود کو پہنچ سکیں ۔
اسی طرح سب میرین چورنگی اور مائی کلاچی روڈ بھی عام ٹریفک کے لیے بند ہوگی ، امریکی قونصلیٹ کے قریب کے پی ٹی پل سے سڑک 9 بجے بند کردی جائے گی ، تاہم بوٹ بیسن سے جناح پل پر گاڑیوں کو جانے کی اجازت ہوگی ، بوٹ بیسن سے بلاول چورنگی جانے والی سڑک جبکہ بلاول چورنگی سے ہیلی پیڈ جانے والے راستے بھی مکمل طور پر بند ہوں گے ، ماڑی پور روڈ سے مائی کلاچی روڈ پر آنے والے ہیوی ٹریفک کو بھی جناح پل سے حب ریور روڈ اور شارع پاکستان کی جانب موڑ دیا جائے گا ۔
صرف چھوٹی گاڑیوں کو جناح پل سے ایم ٹی خان روڈ ، پی آئی ڈی سی چوک ، کلب چوک ، آواری ہوٹل اور شارع فیصل جانے کی اجازت ہوگی ، کورنگی صنعتی ایریا سے نکلنے والے ہیوی ٹریفک کو نیشنل ہائی وے اور ناردرن بائی پاس کی جانب موڑ دیا جائے گا ، سن سیٹ بلیووارڈ سے پنجاب چورنگی تک سڑک بھی مکمل طور پر بند رہے گی ۔
ٹریفک پولیس حکام کے مطابق شارع فیصل ، عبداللہ ہارون روڈ ، ڈاکٹر ضیا الدین احمد روڈ ، مائی کلاچی روڈ ، کورنگی روڈ اور ایم ٹی خان روڈ پر پارکنگ قطعی طور پر ممنوع ہوگی ، حکام کا کہنا ہے کہ بغیر سائلنسر موٹر سائیکل چلانے والوں کو بھی پکڑ کر پولیس کے حوالے کردیا جائے گا ، شہری خلاف ورزی نہ کریں ، ٹریفک پولیس حکام نے ڈیفنس کے رہائشی افراد کو ہدایت کی ہے کہ وہ اس موقع پر اپنے شناختی کارڈ ہمراہ رکھیں ، ان کے شناختی کارڈ دیکھنے کے بعد ہی انھیں ڈیفنس میں داخلے کی اجازت دی جائے گی ، دوسری جانب نارتھ ناظم ااباد ، گلبرگ ، لیاقت آباد ، گلشن اقبال اور نیو کراچی سے ڈیفنس آنے والے ایم اے جناح روڈ گارڈ روڈ ، زیب النسا اسٹریٹ ، آواری سگنل ، کلب چوک اور تین تلوار چورنگی کے راستے استعمال کرسکیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔