تعلقہ اسپتال ڈگری کا آپریشن تھیٹر فعال نہ ہو سکا،مریض پریشان

2 برس قبل تعمیر کا کام شروع کیا گیا، ٹھیکیدار غائب، مریض نجی اسپتالوں میں آپریشن کرانے پر مجبور

نامہ نگار منگل 31 دسمبر 2013

ایمرجنسی، جنرل سرجری، آنکھوں اور دیگر آپریشن نجی اسپتالوں میں سکت نہ ہونے کے باوجود کرانے پر مجبور ہیں۔ فوٹو : فائل

ڈگری: تعلقہ اسپتال میں گزشتہ 2 سال سے آپریشن تھیٹر غیر فعال، سیکڑوں مریض پریشانی کا شکار، کوئی پرسان حال نہیں۔ تفصیلات کے مطابق تعلقہ اسپتال ڈگری میں گزشتہ 2 برس سے آپریشن تھیٹر کی تعمیر مکمل نہیں ہوسکی۔

ٹھیکیدار کے آپس کی چپقلش کے باعث کام چھوڑ کر چلے گئے۔ آپریشن تھیٹر کا کام مکمل نہ ہونے کے باعث تحصیل ڈگری اور نواح کے سیکڑوں مریض گائنی، ایمرجنسی، جنرل سرجری، آنکھوں اور دیگر آپریشن نجی اسپتالوں میں سکت نہ ہونے کے باوجود کرانے پر مجبور ہیں۔