نئے سال کے آغاز سے ہی مہنگائی کی شرح میں ہو شربا اضافہ

ارشاد انصاری  جمعـء 8 جنوری 2021
گزشتہ سال کے اسی عرصہ کے مقابلہ میں ملک میں مہنگائی کی شرح5.81 فیصد رہی ہے،ادارہ برائے شماریات ۔ فوٹو : فائل

گزشتہ سال کے اسی عرصہ کے مقابلہ میں ملک میں مہنگائی کی شرح5.81 فیصد رہی ہے،ادارہ برائے شماریات ۔ فوٹو : فائل

 اسلام آباد: ملک میں نئے سال کے آغاز سے ہی مہنگائی کی شرح میں ہو شربا اضافہ ہوگیا۔

ملک میں رواں سال 2021 کے آغاز سے ہی مہنگائی نے سر اٹھانا شروع کردیا۔ اس حوالے سے وفاقی ادارہ برائے شماریات کی جانب سے جاری کردہ اعدادوشمار میں بتایا گیا ہے کہ سات جنوری 2021 کو ختم ہونیوالے ہفتے کے دوران حساس قیمتوں کے اعشاریہ(ایس پی آئی) کے لحاظ سے گزشتہ سال کے اسی عرصہ کے مقابلہ میں ملک میں مہنگائی کی شرح5.81 فیصد رہی ہے۔

اعداد و شمار کے مطابق سالانہ بنیادوں پر گزشتہ ہفتے کے دوران جن 22 اشیاء ضروریہ کی قیمتوں میں اضافہ ہوا ان میں چینی کی قیمت میں 7.21 فیصد، سرخ مرچ کی قیمتوں میں 5.54 فیصد، ویجی ٹیبل گھی کی قیمتوں میں 1.29 فیصد، سرسوں کے تیل کی قیمتوں میں2.72 فیصد اور ایل پی جی کی قیمتوں میں 10.02 فیصد، پیٹرول کی قیمتوں میں 2.15 فیصد، ڈیزل کی قیمتوں میں1.66 فیصد شامل ہیں۔

اعداد و شمارمیں بتایا گیا ہے کہ گزشتہ ہفتے کے دوران جن 6 اشیائے ضروریہ کی قیمتوں میں کمی واقع ہوئی ہے ان میں ٹماٹر کی قیمتوں میں 7.21 فیصد انڈے کی قیمتوں میں 3.63 فیصد، چکن کی قیمتوں میں10.74فیصد، پیاز کی قیمت میں4.65فیصد، آٹے کی قیمتوں میں2.61 فیصد اور دیگر اشیائے ضروریہ شامل ہیں البتہ 23 اشیائے ضرویہ کی قیمتیں مستحکم رہی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔