بھارت کی ایل او سی پربلا اشتعال گولہ باری، دو بزرگ شہری زخمی

بھارت رواں سال اب تک جنگ بندی کی 38 مرتبہ خلاف ورزی کرچکا ہے، آئی ایس پی آر

ویب ڈیسک اتوار 10 جنوری 2021

بھارت رواں سال اب تک جنگ بندی کی 38 مرتبہ خلاف ورزی کرچکا ہے۔(فوٹو، فائل)

راولپنڈی: بھارتی فوج کی کنٹرول لائن پر بلا اشتعال گولہ باری سے دو شہری زخمی ہوگئے۔

آئی ایس پی آر کے مطابق بھارتی فوج نے بروہ اور کھنجر سیکٹر میں شہری آبادی پرمارٹرگولے پھینکے۔بلا اشتعال فائرنگ سے ایک ہی خاندان کے دو بزرگ زخمی ہوئے۔ زخمیوں کوضروری طبی امداد کے لئے قریبی اسپتال پہنچا دیاگیا

آئی ایس پی آر کے مطابق بھارت رواں سال اب تک جنگ بندی کی 38 مرتبہ خلاف ورزی کرچکا ہے۔