ملک میں کورونا کے مزید 1877 کیس رپورٹ، 32 افراد جاں بحق

ویب ڈیسک  پير 11 جنوری 2021
ملک بھر میں مصدقہ کورونا مریضوں کی تعداد 504293 ہوگئی فوٹو: فائل

ملک بھر میں مصدقہ کورونا مریضوں کی تعداد 504293 ہوگئی فوٹو: فائل

 اسلام آباد: ملک میں کورونا کے مزید ایک ہزار 877 کیس سامنے آئے ہیں جب کہ اس وائرس نے مزید 32 افراد کی جان لے لی ہے۔

نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق گزشتہ 24 گھنٹوں کے دوران ملک بھر میں 35 ہزار 524 کورونا ٹیسٹ کئے گئے۔ اس طرح ملک میں اب تک کورونا کے 71 لاکھ 22 ہزار 538 ٹیسٹ کئے جاچکے ہیں۔

مزید 1877 کورونا کا شکار

سرکاری اعداد و شمار کے مطابق گزشتہ 24 گھنٹوں میں ملک میں کورونا کے مزید ایک ہزار 877 کیس سامنے آئے ہیں، اس طرح ملک میں کورونا کے مصدقہ مریضوں کی تعداد 5 لاکھ 4 ہزار 293 ہوگئی۔

کہاں کتنے مریض

صوبہ سندھ میں اب تک سب سے زیادہ افراد میں کورونا کی تشخیص ہوئی ہے، جہاں مصدقہ مریضوں کی تعداد 2 لاکھ 26 ہزار 338 ہے۔ پنجاب میں ایک لاکھ 45 ہزار 508، خیبر پختونخوا میں 61 ہزار 424، بلوچستان میں 18 ہزار 412 ، اسلام آباد میں 39 ہزار 242، گلگت بلتستان میں 4 ہزار 880 جب کہ آزاد کشمیر میں کورونا کے مصدقہ مریضوں کی تعداد 8 ہزار 489 ہے۔

32 افراد جاں بحق

نیشنل کمانڈ اینڈ کنٹرول سینٹر کے مطابق ملک بھر میں کورونا نے مزید 32 افراد کی جان لے لی ہے۔ اس طرح اس وائرس کے ہاتھوں مصدقہ ہلاکتوں کی تعداد 10 ہزار 676 ہوگئی ہے۔

پنجاب میں سب سے زیادہ ہلاکت خیزی

پنجاب میں صرف ایک لاکھ 45 ہزار 508 افراد میں کورونا کی تشخیص ہوئی ہے لیکن ملک میں اس وائرس سے سب سے زیادہ جانی نقصان پنجاب میں ہی ہوا ہے۔ ملک کے سب سے بڑے صوبے میں اس وائرس سے 4 ہزار 272 افراد لقمہ اجل بنے ہیں۔ سندھ میں 3 ہزار 699، خیبر پختونخوا میں ایک ہزار 740 ، بلوچستان میں 188، اسلام آباد میں 441 ، گلگت بلتستان میں 101 جب کہ آزاد کشمیر میں اس وائرس نے 235 افراد کی جان لے لی ہے۔

مزید 1402 افراد صحتیاب

نیشنل کمانڈ اینڈ کنٹرول سینٹر کے مطابق گزشتہ 24 گھنٹوں میں ایک ہزار 402 افراد نے کورونا کو شکست دے دی ہے، اس طرح ملک میں کورونا سے صحتیاب ہونے والے افراد کی تعداد 4 لاکھ 58 ہزار 371 ہوگئی ہے۔

35 ہزار 246 فعال کیسز

این سی او سی کے اعداد و شمار کے مطابق اس وقت ملک میں کورونا کے فعال مریضوں کی تعداد 35 ہزار 246 ہے۔ جو اپنے گھروں اور اسپتالوں میں زیر علاج ہیں، فعال مریضوں میں سے 2 ہزار 286 کی حالت تشویشناک ہے۔

کورونا وائرس اوراحتیاطی تدابیر

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پا نی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔