پاور بریک ڈاوٴن؛ نیپرا نے تحقیقات کے لئے کمیٹی تشکیل دے دی

ویب ڈیسک  پير 11 جنوری 2021
کمیٹی نیپرا کے اعلی افسران کے علاوہ پاور سیکٹر سے وابستہ ماہرین اور انجینئرز پر مشتمل ہوگی، نیپرا۔ فوٹو: فائل

کمیٹی نیپرا کے اعلی افسران کے علاوہ پاور سیکٹر سے وابستہ ماہرین اور انجینئرز پر مشتمل ہوگی، نیپرا۔ فوٹو: فائل

 اسلام آباد: نیپرا نے معاملے کی مکمل چھان بین کے لیے اعلیٰ سطح کی کمیٹی تشکیل دے دی۔

ایکسپریس نیوز کے مطابق نیپرا نے ہفتے کی رات ملک بھر میں پاور بریک ڈاوٴن کا نوٹس لے لیا ہے اور معاملے کی مکمل چھان بین کے لیے اعلیٰ سطح کی کمیٹی تشکیل دے دی ہے۔

اس خبرکوبھی پڑھیں: پاورپلانٹ عملے کے غلط آپریشن سے بریک ڈاؤن ہوا

کمیٹی نیپرا کے اعلی افسران کے علاوہ پاور سیکٹر سے وابستہ ماہرین اور انجینئرز پر مشتمل ہوگی، اور کمیٹی ہفتے کی شب ملک بھر میں ہونے والے پاور بلیک آوٴٹ کی وجوہات اور مستقبل میں اس قسم کے واقعات کے سدباب کے لیے سفارشات بھی دے گی۔

اس خبرکوبھی پڑھیں: پاوربریک ڈاؤن میں مارشل لاء اور دشمن کے حملے کی افواہیں

واضح رہے کہ اس سے قبل  سی ای او گدو پاور حماد عامر ہاشمی نے بھی ایک انکوائری کمیٹی بنائی تھی، جس نے مختلف لوگوں کے انٹرویو کیے، ابتدائی رپورٹ میں کمیٹی نے بتایا کہ اولڈ گدو پاورپلانٹ کی پوری شفٹ غفلت کی مرتکب پائی گئی، اور ۔ بریک ڈاؤن گدو پاور پلانٹ کے اولڈ یونٹ میں عملے کی طرف سے غلط آپریشن کے باعث ہوا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔