امریکا کی خوبرو اداکارہ پُراسرار طور پر ہلاک

ویب ڈیسک  جمعـء 15 جنوری 2021
38 سالہ جسیکا نے 1999 میں الیکشن نامی ڈرامے سے ملک گیر شہرت حاصل کی تھی، فوٹو : فائل

38 سالہ جسیکا نے 1999 میں الیکشن نامی ڈرامے سے ملک گیر شہرت حاصل کی تھی، فوٹو : فائل

پورٹ لینڈ: معروف امریکی اداکارہ جسیکا گیمبل پُراسرا طور پر اپنے گھر کے واش روم میں گر کر ہلاک ہوگئیں۔

عالمی خبر رساں ادارے کے مطابق امریکا کی ماضی کی مقبول اداکارہ جسیکا گیمبل اپنے گھر کے واش روم میں مردہ پائی گئی ہیں۔ 38 سالہ جسیکا نے 1999 میں الیکشن نامی ڈرامے میں ایک مقبول کردار نبھا کر ملک بھر میں شہرت حاصل کی تھی۔

جسیکا گیمبل اداکارہ ہونے کے ساتھ ساتھ ایک ماہر فزیشن بھی تھی اور اپنی تعلیم اور اسپتال میں پریکٹس کے باعث اداکاری سے دور ہوگئی تھیں۔ اُن کے اہل خانہ نے بتایا کہ اسپتال سے واپسی کے بعد وہ کپڑے تبدیل کرنے واش روم گئی تھیں کافی دیر واپس نہ آنے پر دروازہ توڑا تو اداکارہ کو مردہ پایا۔

جسیکا گیمبل کی لاش کو پوسٹ مارٹم کے لیے اسپتال منتقل کردیا گیا ہے جس کی رپورٹ آنے کے بعد ہی موت کی وجہ کا تعین کیا جا سکتا ہے۔ امریکا کی شوبز شخصیات نے اداکارہ کی اچانک موت پر افسوس کا اظہار کرتے ہوئے اہل خانہ سے تعزیت کی ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔