شمالی کوریا میں دنیا کے سب سے طاقتور آبدوز بیلسٹک میزائل کی رونمائی

پیانگ یانگ: شمالی کوریا میں حکمراں جماعت کی ایک تقریب میں فوجی پریڈ کے دوران دنیا کے سب سے طاقتور اور بڑے سب میرین لانچنگ بیلسٹک میزائل کی رونمائی بھی کی گئی۔ 

عالمی خبر رساں ادارے کے مطابق شمالی کوریا میں ایک فوجی پریڈ کے دوران بیلسٹک میزائل لانچنگ آبدوز کی رونمائی ہوئی،اسے سب میرینز میں دنیا کی سب سے طاقتور ٹیکنالوجی قرار دیا جا رہا ہے۔

اس موقع پر شمالی کوریا کے حکمراں کم جونگ اُن بھی موجود تھے اور جیسے ہی پریڈ میں سب میرین لانچنگ بیلسٹک میزائل داخل ہوئے انہوں نے مسکرایا اور ہاتھ ہلا کر خوشی کا اظہار کیا۔ اس سے قبل وہ ایک اجلاس میں ملکی معیشت کی ناکامی کا اعتراف کرتے ہوئے رو پڑے تھے۔

Though the new launcher resembles that of an extended KN-23 (Iskander lookalike) the missile itself lacks the distinct nose profilehttps://t.co/8nV4KyTXi7 pic.twitter.com/XU7GtUk3rN

— Joseph Dempsey (@JosephHDempsey) January 14, 2021

سخت گیر میڈیا پالیسی رکھنے والے شمالی کوریا کی زیادہ تر خبروں کے لیے سرکاری میڈیا پر ہی انحصار کرنا ہوتا ہے اور سرکاری میڈیا پر جاری ہونے والی تصاویر میں دیکھا جا سکتا ہے کہ بیلسٹک میزائل سے لیس سب میرین پر ’پکوگوکسونگ -5‘ کا لیبل لگا ہوا تھا۔

یہ خبر پڑھیں : عوام کی مشکلات حل نہ کرنے اور ناقص کارکردگی پرکم جونگ اُن روپڑے

اس کا مطلب ہے کہ ممکنہ طور پر یہ ’پوکگوکسونگ 4‘ کی اپ گریڈیش ہے۔ ’پوکگوکسونگ 4‘  ہونے کا گزشتہ برس اکتوبر میں ایک بڑی فوجی پریڈ کے دوران نقاب کشائی کی گئی تھی۔

سماجی رابطے کی ویب سائٹس ٹویٹر پر کیلی فورنیا میں قائم جیمز مارٹن سینٹر برائے نان پارولیفریشن اسٹڈیز کے ایک محقق مائیکل ڈیوٹس مین نے لکھا کہ تصاویر میں نیا میزائل یقینی طور پر طویل تر ہے۔

KN24. pic.twitter.com/dg6XZbMaAT

— Ankit Panda (@nktpnd) January 14, 2021

اسی طرح کارنیگی انڈوومنٹ برائے بین الاقوامی امن کے جوہری پالیسی پروگرام میں ایک سینئر فیلو انکیت پانڈا نے بھی لکھا کہ خطے سے باہر پہلے سے بھرپور طریقے سے دشمنوں کو مکمل طور پر ختم کرنے کے لئے طاقتور صلاحیتوں والے راکٹس بھی نمائش میں موجود تھے۔

یہ خبر بھی پڑھیں : شمالی کوریا کے سربراہ نے ملک میں معاشی ناکامی کا اعتراف کرلیا

ماہرین کی رائے ہیں کہ سب میرین لانچنگ بیلسٹک میزائل کی رینج بہت زیادہ ہے اور یہ جزیرہ نما کوریا سے آگے بھی اور کم سے کم جاپان تک ہدف کو نشانہ بن سکتی ہے۔