صوابی میں نامعلوم افراد کی فائرنگ سے پی ٹی آئی کا مقامی رہنما ساتھی سمیت جاں بحق

ویب ڈیسک  اتوار 17 جنوری 2021
زخمی اور لاشوں کو ڈی ایچ کیو صوابی منتقل کردیا گیا ہے، پولیس (فوٹو : فائل)

زخمی اور لاشوں کو ڈی ایچ کیو صوابی منتقل کردیا گیا ہے، پولیس (فوٹو : فائل)

مردان: مردان روڈ پر منیر اسپتال کے قریب گاڑی پر فائرنگ سے پی ٹی آئی کا مقامی رہنما ساتھی سمیت جاں بحق ہوگیا۔

ایکسپریس نیوز کے مطابق صوابی میں مردان روڈ پر منیر اسپتال کے قریب گاڑی پر فائرنگ سے 3 افراد جاں بحق ہوگئے، جاں بحق ہونے والوں میں پی ٹی آئی کے سابق ناظم ویلج کو نسل مانیری قمر خان بھی شامل ہیں۔

پولیس کے مطابق نامعلوم افراد کی فائرنگ سے ایک راہگیر بھی جاں بحق ہوا ہے جب کہ ایک شخص شدید زخمی ہے،  زخمی اور لاشوں کو ڈی ایچ کیو صوابی منتقل کردیا گیا ہے، جب کہ علاقے کو گھیرے میں لے کر سرچ آپریشن شروع کردیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔