- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم شہباز شریف کی کراچی آمد، مزار قائد پر حاضری
- شیخ رشید کے بلو رانی والے الفاظ ایف آئی آر میں کہاں ہیں؟ اسلام آباد ہائیکورٹ
- بورڈ کا قابلِ ستائش اقدام؛ بےسہارا و یتیم بچوں کو میچ دیکھانے کی دعوت
- امریکا نے بھارت میں انسانی حقوق کی پامالیوں کو شرمناک قرار دیدیا
- پاکستان کی مکئی کی برآمدات میں غیر معمولی اضافہ
- ایلیٹ فورس کا ہیڈ کانسٹیبل گرفتار، پونے دو کلو چرس برآمد
- لیجنڈز کرکٹ لیگ فکسنگ اسکینڈل کی زد میں آگئی
- انجرڈ رضوان قومی ٹیم کے پریکٹس سیشن میں شامل نہ ہوسکے
- آئی پی ایل، چھوٹی باؤنڈریز نے ریکارڈز کا انبار لگا دیئے
- اسٹاک ایکسچینج؛ ملکی تاریخ میں پہلی بار 72 ہزار پوائنٹس کی سطح عبور
- شاداب کو ٹیم کے اسٹرائیک ریٹ کی فکر ستانے لگی
- لکی مروت؛ شادی کی تقریب میں فائرنگ سے 6 افراد جاں بحق
- اٹلی: آدھی رات کو آئسکریم کھانے پر پابندی کا بِل پیش
- ملک بھر میں مکمل پنک مون کا نظارہ
- چیمپئیز ٹرافی 2025؛ بھارتی میڈیا پاکستان مخالف مخالف مہم چلانے میں سرگرم
فارن فنڈنگ کیس میں تفصیلات جمع کرادیں اب پی ڈی ایم کی باری ہے، شبلی فراز
اسلام آباد: وزیر اطلاعات شبلی فراز نے کہا ہے کہ ہم نے فارن فنڈنگ کیس میں الیکشن کمیشن میں تفصیلات جمع کرادیں اب پی ڈی ایم کی بقیہ جماعتیں بھی اپنی اپنی فنڈنگ کی تفصیلات جمع کرائیں تاکہ عوام کو پتا چل سکے کہ جھوٹا اور فریبی کون ہے؟
یہ بات وزیر اطلاعات سینیٹر شبلی فراز اور پارلیمانی سیکرٹری فرخ حبیب نے پریس کانفرنس کرتے ہوئے کہی۔ شبلی فراز نے کہا کہ اپوزیشن جماعتیں ایک چھتری تلے جمع ہیں وزیراعظم نے پہلے ہی کہہ دیا تھا کہ یہ سب میرے خلاف اکٹھے ہو جائیں گے۔
سینیٹر شبلی فراز نے کہا کہ اپنی حکومتوں میں انہوں نے اداروں کو مفلوج اور پامال کیا، پی ڈی ایم کو عوام میں پذیرائی حاصل نہیں ہوئی اور پی ڈی ایم اب ماضی کا قصہ بن چکی ہے، پی ڈی ایم میں شامل جماعتوں نے اپنے تمام کارڈ کھیل لیے ہیں، اسے ہر محاذ پر شکست کا سامنا رہا اور شرمندگی کے سوا کچھ حاصل نہ ہوا۔
وفاقی وزیر شبلی فراز نے کہا کہ الیکشن کمیشن کے سامنے پی ڈی ایم کا متوقع احتجاج ایک بھونڈی کوشش ہے دراصل پی ڈی ایم اداروں کو دھمکانا چاہتی ہے، پی ٹی آئی نے ملنے والے فارن فنڈز سے متعلق تمام تفصیلات الیکشن کمیشن کو جمع کرادی ہیں، پی ڈی ایم میں شامل جماعتیں فنڈز سے متعلق آج تک جواب جمع نہیں کراسکیں، الیکشن کمیشن بار بار دونوں جماعتوں سے فنڈز دینے والوں کے شناختی کارڈ اور پتے مانگتا رہا، الیکشن کمیشن ان سے سوال پوچھتا ہے تو وہ لیت و لعل سے کام لیتے ہیں۔
وزیر اطلاعات نے کہا کہ یہ جماعتیں الیکشن کمیشن میں تفصیلات جمع کرائیں تاکہ عوام کو پتا چل سکے کہ جھوٹا اور فریبی کون ہے؟ پی ڈی ایم اسکروٹنی کمیٹی کے سامنے پیش ہو کر مطلوبہ کاغذات جمع کرائے، جلسوں اور جتھوں کے پیچھے چھپنے کے بجائے ممنوعہ فنڈنگ کا حساب دے۔
فارن فنڈنگ کیس ایک کا نہیں تمام سیاسی جماعتوں کا کیس ہے، پارلیمانی سیکریٹری
پارلیمانی سیکریٹری فرخ حبیب نے کہا کہ آئین سیاسی جماعتوں کو اپنے ریکارڈز درست رکھنے کا پابند بناتا ہے، فارن فنڈنگ کیس ایک جماعت کا نہیں تمام سیاسی جماعتوں سے متعلق کیس ہے، پی ڈی ایم جماعتیں اسکروٹنی کمیٹی کے سامنے کوئی بھی ریکارڈ پیش نہ کرسکیں حالاں کہ الیکشن کمیشن کے فارم 1 کے مطابق ذرائع آمدن اور اخراجات کی تفصیلات بتانا ضروری ہے۔
فرخ حبیب نے کہا کہ پی ڈی ایم جماعتوں کا الیکشن کمیشن کے باہر احتجاج سمجھ سے بالاتر ہے، پیپلز پارٹی نے این آر او کے لیے مارک سیگل اینڈ ایسوسی ایٹ کو 60 لاکھ ڈالر دیئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔