- کراچی اور اسلام آباد سے سعودی عرب منشیات اسمگل کرنے کی کوششیں ناکام
- مسلسل ڈپریشن اور بے چینی آپ کو قبل از وقت بوڑھا بنا سکتی ہے
- دو ارب نوری سال دور اب تک کا سب سے روشن خلائی دھماکا
- جانورغائب گوشت حاضر، میمتھ کے ڈی این اے سے گوشت کا گولہ تیار
- سی ٹی ڈی کی پنجاب کے مختلف اضلاع میں کارروائی، 9 دہشت گرد گرفتار
- بھارت میں مندر کے کنویں پربنا فرش ٹوٹ گیا، 35 افراد ہلاک
- امریکی تاریخ میں پہلی بار سابق صدر پر فرد جرم عائد
- حکومت کی پی ٹی آئی کو ’مائنس عمران خان‘ پر مذاکرات کی پیش کش
- بلوچستان میں بارشوں سے تباہی، تین جاں بحق اور چار سیلابی ریلے میں بہہ گئے
- فضل الرحمان کی وزیراعظم سے ملاقات، عدالتی اصلاحات بل کی منظوری پر مبارک باد
- ملک کے 3 ہوائی اڈوں کو آؤٹ سورس کرنے کی کارروائی شروع
- بلاول کے افطارڈنر میں بھارتی سفارت کار کی شرکت
- رمضان المبارک: نوجوان سے افطار کے بعد خون عطیہ کرنے کی اپیل
- حارث رؤف کی عمرہ ادائیگی، بابراعظم نے ’مسجد نبویؐ حاضری‘ کی تصویر شیئر کردی
- امریکا میں دو جنگی ہیلی کاپٹر ٹکرانے سے 9 فوجی ہلاک
- کرنسی کے غیرقانونی لین دین پر دو ملزمان گرفتار
- کراچی میں ماہرامراض چشم ڈاکٹر بیربل ’’ٹارگٹ کلنگ‘‘ میں جاں بحق
- بھارت جانے والے پاکستانی ہندو تارکین کسمپرسی کی زندگی گزارنے پر مجبور
- سندھ حکومت نے چار اپریل کو عام تعطیل کا اعلان کردیا
- ایمریٹس ایئرکا امریکی ایئرلائن سے کوڈ شیئرمعاہدہ طے پاگیا
خصوصی عدالت کا غداری مقدمے میں پرویز مشرف کو کل ہرحال میں پیش ہونے کا حکم
سماعت کے دوران پرویز مشرف کے وکیل احمد رضا قصوری اور پراسیکیوٹر اکرم شیخ کے درمیان تلخ جملوں کا تبادلہ بھی ہوا۔ فوٹو: فائل
اسلام آباد: خصوصی عدالت نے غداری مقدمے میں سابق صدر پرویز مشرف کو کل ہرحال میں پیش ہونے کا حکم دیا ہے، عدالت کا کہنا ہے کہ اگر پرویز مشرف کل پیش نہ ہوئے تو گرفتاری کا حکم دینے پر مجبور ہوجائیں گے۔
اسلام آباد میں جسٹس فیصل عرب کی سربراہی میں تین رکنی خصوصی عدالت سابق صدرپرویزمشرف کے خلاف سنگین غداری کے مقدمے اور دیگر درخواستوں کی سماعت کررہی ہے، سابق صدر آج بھی سیکیورٹی وجوہات کی بنا پرعدالت میں پیش نہ ہوئے، ان کے وکیل احمدرضا قصوری نے اپنے دلائل میں کہا کہ پرویزمشرف عدالت کے حکم پریہاں آئیں گے لیکن اگرانہیں کچھ ہواتوعدالت ہی ذمہ دارہوگی۔ سابق صدرہی نہیں، وکلاء اورججوں کوبھی سیکیورٹی کا مسئلہ ہے۔
اس پرجسٹس فیصل عرب نے ریمارکس دئیے کہ آپ عدالت کودھمکیاں نہ دیں۔ احمد رضا قصوری نے جسٹس فیصل عرب سے مکالمے میں کہا کہ یہاں دھماکا ہواتوسارے لوگ مارے جائیں گے، آپ نے کھلے آسمان تلے عدالت لگا دی ہے، یہ عدالت نہیں شیکسپیئر کا تھیٹرلگ رہا ہے، جس پرجسٹس فیصل عرب نے کہا کہ عدالتیں جنگ کے دوران بھی اپنا کام جاری رکھتی ہیں، آپ کے خدشات کا احترام ہے۔
اس موقع پرجوائنٹ سیکریٹری داخلہ عدالت میں پیش ہوئے، جسٹس فیصل عرب نے ان سے سیکیورٹی کے بارے میں سوال کیا تو انہوں نے عدالت کویقین دہانی کرائی کہ پرویزمشرف کے لیے سیکیورٹی کے فول پروف انتظامات کئے گئے ہیں، سابق صدرکوبلٹ پروف گاڑی دی گئی ہے، وہ عدالت میں پیش ہوکر باحفاظت واپس جاسکتےہیں۔
سماعت کے دوران پراسیکیوٹر اکرم شیخ اوراحمدرضاقصوری میں تلخ جملوں کا تبادلہ بھی ہوا۔ پرویزمشرف کے وکیل نے الزام لگایا کہ اکرم شیخ وزیراعظم نوازشریف کے حواری ہیں، جس پراکرم شیخ کا کہنا تھا کہ آپ اپنی آوازنیچی رکھیں، ورنہ میری آواززیادہ اونچی ہے۔ عدالت متعصب قراردے دے توواپس چلا جاؤں گا۔ جسٹس فیصل عرب نے قرار دیا، پرویزمشرف کا جرم ناقابلِ ضمانت ہے، کوئی بھی پولیس افسرانہیں بغیروارنٹ کے گرفتارکرسکتا ہے۔
خصوصی عدالت نے پرویزمشرف کےوکلاء کے سیکیورٹی خدشات سے متعلق دلائل مسترد کرتے ہوئے کہا کہ سابق صدرکی تضحیک نہیں چاہتے، وہ کل عدالت میں پیش ہوجائیں، ورنہ گرفتاری کاحکم دینے پرمجبورہوں گے۔ جسٹس فیصل عرب نے کیس کی سماعت کل تک ملتوی کردی جب کہ پرویزمشرف کے وکلاء نے وزیراعظم نوازشریف کے خلاف توہین عدالت کی درخواست دائرکردی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔