الفا براوو چارلی کے ’ گل شیر‘ وزیر اعظم کا ساتھ دینے کے لیے میدان میں آگئے

 کراچی: مشہور زمانہ ڈرامہ سیریل ’ الفا براوو چارلی ‘ کے کردار ’ گل شیر‘ وزیر اعظم عمران خان کا ساتھ دینے کے لیے میدان میں آگئے۔

پاکستان ٹیلی ویژن کی مقبول ترین ڈرامہ سیریل میں کیپٹن گل شیر کا کردار ادا کرنے والے لیفٹیننٹ کرنل (ر) سید قاسم شاہ نے اپنے ویڈیو بیان میں کہا ہے کہ وزیر اعظم عمران خان کے حوالے سے گفتگو کرتے ہوئے کہا کہ 1987ء میں ورلڈ کپ ہارنے کے بعد ایک بندہ کرکٹ چھوڑ چکا تھا یہاں تک کہ ریٹائرمنٹ کا فیصلہ بھی کرلیا تھا مگر اُس دوران انہیں احساس ہوا کہ کرکٹ کے بغیر اسپتال بنانے کا خواب پورا نہیں ہوسکے گا۔

انہوں ںے کہا کہ اس شخص نے اسپتال کا خیال ذہن میں رکھ کر اسی لگن و جستجو کے ساتھ پھر سے کرکٹ کھیلنا شروع کی یہاں تک کہ ورلڈ کپ بھی قریب آگیا تب اس نے یہی سوچا کہ ورلڈ کپ جیتنے سے ہی اسپتال بن سکتا ہے اس لیے انہوں نے اس دوران کینسر اسپتال بنانے کے خواب کو اپنا مقصد بنالیا۔

“Yeh banda kar sakta hai”

Qasim Shah (@gulsher34) of Alpha Bravo Charlie fame shares a message about PM Imran Khan. He shares his analysis from 1987 to present and believes that the universe conspires for PM Imran Khan to achieve his dreams for Pakistan & its people. pic.twitter.com/nGybq6MtGA

— PTI (@PTIofficial) January 21, 2021

انہوں نے یہ بھی کہا کہ ورلڈ کپ کے دوران عمران خان نے نیوزی لینڈ میں عشائیے میں کہا تھا کہ ہم یہاں ورلڈ کپ لینے آئے ہیں، مجھے اُن کے اس بیان پر تعجب کا اظہار ہوا کہ ٹیم کی حالت کس طرح کی ہے اور اس کے باوجود اس طرح کے بڑے بیان دیئے جا رہے ہیں لیکن انہیں پتا تھا کہ جس نیت کے ساتھ وہ چل رہے ہیں اس میں اللہ پاک اُن کی مدد کریں گے۔

سید قاسم شاہ نے عمران خان کی سیاست کے حوالے سے کہا کہ عمران خان نے سیاست میں قدم رکھنے کے بعد یہی فیصلہ کیا تھا کہ وہ پاکستان کو واپس ٹریک پر لے کر آئیں گے جس کے لیے انہوں نے گندگی صاف کرنے کا فیصلہ کیا اور اسے اپنا مقصد بنایا، یہ مقصد حاصل کرنے کے لیے انہیں سب سے بڑا عہدہ درکار تھا پھر قدرت کا کرنا یہ ہوا کہ پاناما جیسے کیسز سامنے آگئے اور عمران خان کو اگے آنے کا موقع مل گیا۔

یہ پڑھیں: الفا، براوو اور چارلی کے کیپٹن فراز کی ٹی وی اسکرین پر پھر واپسی

الفا براوو چارلی کے اداکار نے کہا کہ عمران خان کو اس سسٹم کو ٹھیک کرنا ہے اور مجھے اُمید ہے کہ جس نیک نیتی کے ساتھ اس سسٹم کو ٹھیک کرنے کے لیے عمران خان اگے پہنچے ہیں اس میں یہ کبھی بھی ناکام نہیں ہوں گے، کیوں کہ ابھی آپ کو تعلیمی نظام کو بہتر کرنا ہے، ابھی سیاحت جیسے بڑے کام کرنے ہیں اور یہ کام وہی کرسکتا ہے جس کی سوچ پاکستان کے ساتھ ہو اور مجھے یہ اُمید ہے کہ یہ کام صرف عمران خان کو کرنے ہیں اور اس ضمن میں ہم سب آپ کے ساتھ ہیں بالخصوص میں آپ کے ساتھ ہوں۔