- کراچی میں نیول، رینجرز ہیڈ کوارٹرز، گورنر، سی ایم ہاؤس، سب کا فٹ پاتھوں پر بھی قبضہ ہے، چیف جسٹس
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
عزتیں لوٹنے والے
سوال یہ نہیں ہے کہ 5 سالہ مروی کا قاتل جیل میں کیوں روٹیاں توڑرہا ہے؟سوال یہ بھی نہیں ہے کہ ایسے سفاک چوپایوںکو ’’نامرد‘‘ بنانے کے دعوے کرنے والے باعزت مردکہاں گئے؟کیونکہ وہ تو موسمی بیانات دینے والے ایک وزیر تھے، سکندر اعظم کی طرح (ترمیم کے ساتھ) آئے، مناظر دیکھے اور بیان دے کر چلے گئے… سوال یہ ہے کہ میری سوہنی دھرتی پر شہوانی آب شاروں سے بے حیائی کا اشنان کرنے والے یہ انسان نما شیطان کب تک اپیلوں کی آڑ لے کر اپنی غلیظ زندگی کو طول دیتے رہیں گے…
نام کا پہلا حصہ مقدس ہے، اس لیے نہیں لکھوں گا، دوسرا فیض ہے لکھ دیتا ہوں کہ اُس بدبخت نے عدالت میں اعتراف کیا کہ اس نے عمرصادق کی 5 سالہ بیٹی مروی کو اغوا کیا، دو دن تک اس کی (اب کیا عزت لکھوں وہ تو بچی تھی عزت، ذلت نہیں ٹافی اور چاکلیٹ جانتی تھی) پروان چڑھتی عصمت کو تار تارکیا اور پھرکوڑے کے ڈھیر میں زندہ جلا دیا، عدالت میں درد بھری خاموشی تھی مگر عدالتی نظام کی مجبوریوں کے سامنے اپیل کا حق ایسے حیوانی صفت انسانوں کو بھی مل جاتا ہے۔
ممتاز قادری کو پھانسی دینے کی سب ہی کو جلدی تھی، کیا این جی اوز،کیا بلاگرز اورکیا مغرب کو خوش کرنے والی سیاسی جماعتیں؟ سب ہی مفاد کے ٹریفک میں پھنسی ہوئی تھیں، ہائی پروفائل کیس تھا ، درست ! مگر مروی تو عیسی نگری میں بونیر سے آئی وہ معصوم کلی تھی جو ابوکے بنا نہیں رہ سکتی تھی جیسے کہ مریم نواز ابو ابوکہتی رہتی ہیں، عمر صادق کراچی روزگارکی تلاش میں آیا تھا اورگھرکی کلکاری ہی گنوا بیٹھا…
نہ بنائیے نامرد، نہ کیجیے قانون سازی، نہ دیجیے بڑے بڑے بیانات، نہ دلائیے قوم کو امیدیں اور نہ کیجیے جھوٹے وعدے بس اتنا کیجیے کہ موجودہ عدالتی نظام کے بحثیت سرکار جلد سماعت کی اپیل کرکے دنیا سے ایک بدبوداروجود کو صاف کیجیے… نہ دیجیے سرعام پھانسی ، چھپ کر ہی دیجیے مگر دے دیجیے پھانسی… سچے پاکستانیوں کا گلا یہ حقیقتیں جان کرگھٹتا ہے، عدالتی نظام اور تاخیر پر سوال اٹھتے ہیں… بھولیے گا نہیں مروی اب پاکستانی عدالتوں سے بہت اوپر اﷲ کی عدالت میں انصاف کے لیے پہنچ چکی ہے اور وہاں مجرم کو نہیں ’’ مجرموں‘‘ کو سزا دی جاتی ہے… وقت آنے پر اپنے اپنے نام پکارے جانے سے قبل ذمے داریوں کو ادا کر دیجیے،آپ کیا سی سی ٹی وی کیمرے لگائیں گے۔
آپ کے پورے وجود میں خون کے ساتھ HDR ریکارڈنگ کیمرے روز حشر ہاتھ، آنکھ، منہ، پاؤں اور دیگر اعضائے جسمانی سے گواہی دیں گے، اُس عدالت میں گواہ مانگے جاتے ہیں نہ ثبوت صرف فیصلے سنائے جاتے ہیں ، جو پرندوں کو بھی بن مانگے رزق دیتا ہے، وہ مروی کی دہائی کیسے ردکردے گا؟سب خدا بنے بیٹھے ہیں اور یہ تماشا خدا دیکھ رہا ہے،کسی نے کہا تھا کہ اچھے تو سب ہی ہوتے ہیں لیکن پہچان تو برے وقت ہی میں ہوتی ہے کیونکہ سینہ بھرا ہے ، زخموں سے دھوکا ملا ہے اپنوں سے !
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔