- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
بابرکت نکاح و شادی
اسلام میں سب سے بابرکت نکاح اُسے قرار دیا گیا ہے جس کے مصارف انتہائی قلیل ہوں، یعنی سب سے اچھی اور بابرکت شادی وہ ہے جو کم خرچ اور انتہائی سادگی سے انجام پائی ہو۔
لیکن ہم نے شادی جیسی انتہائی اہم تقریب کو بھی دنیاوی نمائش کا شاہ کار بنا دیا ہے، اور بہ جائے اس قباحت پر شرمندہ ہونے کے اسے اپنی شیخی بگھارنے کا ذریعہ بنالیا گیا ہے، چاہے اس کے لیے قرض ہی کیوں نہ لینا پڑے اور چاہے وہ قرض سُود پر ہی لیا گیا ہو جو بہ جائے خود انتہائی سخت ترین گناہ ہے اور اس کے لیے انتہائی سخت وعیدیں بیان کی گئی ہیں۔
ہمارا معاشرہ پچھلی چند دہائیوں سے ایک گمبھیر اور پیچیدہ مسئلے میں الجھا ہوا نظر آتا ہے اور وہ مسئلہ ہے بچوں کی بروقت شادیاں اور ان کے گھر بار بسانے کا۔ اگرچہ آج سے چند دہائیوں پہلے بھی یہ مسئلہ کسی نہ کسی انداز میں اس معاشرے کا حصہ تھا لیکن اس وقت اس کی گمبھیرتا نے اس قدر سنگین صورت حال اختیار نہیں کی تھی، جتنی آج کے دور میں اختیار کرچکی ہے۔ آج کل تقریباً ہر دوسرے گھرانے میں والدین اس مسئلے کو لے کر ناصرف پریشان دکھائی دیتے ہیں بل کہ ان کی بے بسی بھی واضح محسوس کی جاسکتی ہے۔
اگرچہ یہ کہنا غلط نہ ہوگا کہ یہ مسئلہ بھی خود اس معاشرے کے لوگوں کا اپنا پیدا کردہ ہے، اس کا حل بھی خود ان ہی کے پاس موجود ہے اور پریشانی بھی خود کو ہی لاحق ہے اور تدارک ہے کہ ہو نہیں پا رہا۔ جب کہ قرآن و حدیث کی روشنی میں دیکھا جائے تو اسلام نے چودہ سو سال پہلے ناصرف اس طرح کے چھوٹے بڑے تمام معاشرتی مسائل کا بہترین حل اور واضح انداز میں بتادیا تھا بل کہ اس پر عمل کرنے کی واضح تلقین بھی فرمائی تھی۔ لیکن افسوس کی بات یہ ہے کہ پاکستانی معاشرہ جو ایک اسلامی معاشرہ ہونے کا دعوے دار بھی ہے، کے باوجود اس طرح کے معاشرتی مسائل کے حل میں آج بھی بھٹکا ہوا اور مختلف خانوں میں بٹ کر پریشان حال دکھائی دیتا ہے۔
اس مسئلے کے بہت سے پہلو ہیں جن پر روشنی ڈالنا ازحد ضروری ہے۔ سب سے پہلے تو بچوں کے نکاح میں تاخیر کی ایک بڑی اور اہم وجہ آج کل شادیوں کی تقریبات میں نمود و نمائش کا بے پناہ اضافہ ہے۔ موجودہ دور میں اکثر لوگ نمائش کے بے حد پروردہ دکھائی دیتے ہیں۔ وہ سادگی جس کی اسلام اور قرآن و سنّت میں تلقین کی گئی ہے، ڈھونڈنے سے بھی شاذ ہی کہیں دکھائی دیتی ہے۔ ورنہ تو یہ ہر کوئی نمود و نمائش کو ضروری سمجھ کر اسے بہ خوشی اپنائے ہوئے ہے۔ ہفتوں بل کہ مہینوں چلنے والی نمود و نمائش سے بھرپور شادی کی تقریبات اسلامی تعلیمات کے بالکل منافی ہیں اور نکاح جیسی سادہ رسم سے ان کا دُور دُور تک کوئی تعلق نہیں ہے۔
اس کے بعد دوسری اہم وجہ بھاری بھرکم جہیز کی خواہش اور مانگ ہے۔ ہمارے معاشرے کے اکثر گھرانوں میں بچوں کی شادیوں کے وقت ناصرف بھاری بھرکم سامان کی خواہش رکھی جاتی ہے بل کہ بہت سے لوگ تو اس قدر بے شرم و بے حس ہوچکے ہیں کہ مانگنے میں بھی عار محسوس نہیں کرتے۔ حالاں کہ دین اسلام میں جہیز کا تصور بالکل ہی مختلف شکل میں ملتا ہے۔ نبی کریم ﷺ کی صاحبزادی حضرت فاطمہؓ اور حضرت علیؓ کی سادگی سے شادی اس کی ایک بہت بڑی مثال ہے، جس میں نکاح سے پہلے نئے جوڑے کی ضروریات زندگی کا سامان حضرت علیؓ کی زرہ بیچ کر خریدا گیا تھا جوکہ نہایت ہی مختصر اشیاء پر مشتمل تھا۔
تیسری اہم وجہ لڑکے اور لڑکیوں کی شکل و صورت کو پرکھنا اور ان میں دیو مالائی حسن تلاش کرتے ہوئے انھیں رد کرتے چلے جانا بھی شامل ہے۔ اور چو تھی وجہ رشتے کرتے ہوئے کاروباری نقطہ مدنظر رکھنا اور لڑکے یا لڑکی کے والدین یا خاندان سے کاروباری یا دیگر فوائد حاصلِ کرنا بھی اس معاشرے میں رشتے کرتے ہوئے اہمیت اختیار کرتا جارہا ہے۔
اب اس سب کا حل کیا ہے۔۔۔۔ ؟
قرآن و حدیث میں واضح طور پر اس بات کا حکم دیا گیا ہے کہ لڑکے اور لڑکی کے بالغ ہوتے ہی انہیں سادگی سے نکاح کے بندھن میں باندھ دیا جائے تاکہ وہ ایک حلال رشتے میں بندھ کر مطمین اور صحت مند زندگی گزار سکیں اور گناہوں سے بچے رہیں۔ جب کہ ہمارے معاشرے میں اسلامی احکامات کے برعکس مذکورہ بالا سطور میں درج کی گئی اہم وجوہات اس معاملے کے حل میں سب سے بڑی رکاوٹ بنی ہوئی ہیں اور معاشرے نے انہیں لازمی قرار دے کر شرائط میں شامل کر رکھا ہے۔
آنحضرتؐ نے فرمایا: ’’النکاح من سُنّتی‘‘ نکاح میری سنّت ہے۔ ایک اور حدیث میں صاف صاف واضح کردیا گیا ہے کہ نکاح کرتے ہوئے دین دار ہونا ہی پہلی ترجیح ہونی چاہیے اور دیگر معاملات اتنے اہم تصور نہیں کیے جانے چاہییں۔ جب کہ ہمارے یہاں معاملہ اب اس کے بالکل برعکس ہو چلا ہے اب اگر غور کیا جائے تو اس مسئلے اور مشکل کا حل بھی خود اسی میں پوشیدہ ہے۔
بیٹے یا بیٹی کا نکاح کرتے ہوئے سادگی کو ملحوظ خاطر رکھا جائے اور بے جا اسراف سے حتی الامکان اجتناب کیا جائے اور کوشش کی جائے کہ بھاری بھرکم جہیز جیسی فرسودہ رسموں کا خاتمہ کرتے ہوئے نکاح کے وقت صرف لڑکی والوں پر بے جا اور اضافی بوجھ ڈالنے کے بہ جائے دونوں خاندان مل کر اشیائے ضرورت خرید کر نئے نکاح شدہ جوڑے کو دعاؤں کے ساتھ زندگی کے سفر پر روانہ کردیں۔
اس کے علاوہ پوری کوشش کی جائے کہ لڑکی اور لڑکے کی شکل و صورت سے زیادہ سیرت اور دین داری کو پرکھا جائے اور پھر اس معیار پر ان کے انتخاب کا فیصلہ کیا جائے اور دولت سے زیادہ شرافت اور دین داری کو اہمیت دی جائے تو یقیناً یہ گمبھیر مسئلہ دھیرے دھیرے اپنے حل کی جانب گام زن ہوجائے گا۔ شرط صرف اس پر عمل کرنے کی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔