ٹک ٹاک نے مزید 2 نوجوانوں کی جان لے لی، نہر میں ڈوب گئے

ویب ڈیسک  پير 25 جنوری 2021
دونوں کی شناخت ذیشان اور ساجد کے نام سے ہوئی جو رائیونڈ لاہور کے رہائشی تھے

دونوں کی شناخت ذیشان اور ساجد کے نام سے ہوئی جو رائیونڈ لاہور کے رہائشی تھے

شیخو پورہ: ٹک ٹاک کا جنون مزید دو نوجوانوں کی جانیں نگل گیا۔

شیخوپورہ کے علاقے میں بھکھی گاؤں کے قریب ٹک ٹاک ویڈیو بناتے ہوئے دو نوجوان نہر میں گر کر جاں بحق ہوگئے۔ نوجوانوں کی تلاش کیلئے ریسکیو آپریشن کیا گیا اور امدادی اہلکاروں نے کئی گھنٹوں کی جدوجہد کے بعد ڈوبنے والے دو نوجوانوں کی لاشیں نکال لیں۔

یہ بھی پڑھیں: ٹک ٹاک کے جنون نے ایک اور نوجوان کی جان لے لی

دونوں کی شناخت ذیشان اور ساجد کے نام سے ہوئی۔ وہ رائیونڈ لاہور کے رہائشی تھے اور کزن کی دعوت پر اس سے ملنے بھکھی آئے ہوئے تھے جہاں انہوں نے نہر کے قریب کھڑے ہوکر ٹک ٹاک ویڈیو بنانا شروع کی اور اس دوران توازن برقرار نہ رکھ سکے اور موت کی بھینٹ چڑھ گئے۔

واضح رہے کہ پاکستان سمیت دنیا بھر میں ٹاک ٹاک ویڈیو بناتے ہوئے سیکڑوں جانیں ضائع ہوچکی ہیں۔ ابھی کل ہی کراچی میں کلفٹن دو دردریا کے قریب پہاڑی پتھر پر چڑھ کر ٹک ٹاک بنانے والا نوجوان جان کی بازی ہار گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔