- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
تمام انسانوں کا کرہ ارض ایک ہے اور مستقبل بھی مشترک ہے، چینی صدر
بیجنگ: چینی صدر شی جن پھنگ کا کہنا ہے کہ بنی نوع انسان کا کرہ ارض ایک ہی ہے اور ان کا مستقبل مشترک ہے۔ وہ گزشتہ روز عالمی اقتصادی فورم کے زیرِ اہتمام ’’ڈاووس ایجنڈا‘‘ سے خطاب کررہے تھے۔
انہوں نے کہا کہ باہمی احترام کی بنیاد پر پُرامن بقائے باہمی کے اصولوں پر قائم رہنا اور اختلافات کے باوجود مشترکہ تصورات کاتحفظ کرنا وقت کی اہم ضرورت ہے، تاکہ مختلف ممالک کے مابین تبادلہ کو فروغ حاصل ہو اور انسانی تہذیب کی ترقی اور پیشرفت ممکن ہوسکے۔
عالمی اقتصادی فورم کے زیرانتظام ’’ڈاووس ایجنڈا‘‘ کے عنوان سے منعقدہ مباحثے سے بذریعہ ویڈیو لنک خطاب کرتے ہوئے انہوں نے کہا کہ توسیع پسندی صرف زمین پر قبضے کا نام نہیں بلکہ اپنی تہذیب و ثقافت کو دوسروں پر مسلط کرنا بھی توسیع پسندی کی ایک گھناﺅنی مثال ہے۔
چینی صدر نے زور دے کر کہا کہ دنیا بھر میں کوئی دو ایسے پتّے نہیں بالکل ایک جیسے ہوں اور نہ ہی ایسی تاریخ، ثقافت اور معاشرتی نظام موجود ہے جو کسی اور سے مماثلت رکھتا ہو۔ مزید یہ کہ مختلف ممالک اپنی تاریخ، ثقافت اور معاشرتی نظام کے حامل ہیں، جنہیں ایک دوسرے سے بہتر یا کمتر قرار نہیں دیا جاسکتا۔
شی جن پھنگ نے کہا کہ مختلف ممالک کی تاریخ، ثقافت اور معاشرتی نظام میں تفریق اور اختلافات قدیم زمانے سے چلے آرہے ہیں اور یہ انسانی تہذیب کی موروثی خصوصیت ہے۔ تاہم تنوع کے بغیر انسانی تہذیب کا تصور ممکن نہیں کیونکہ تنوع ایک معروضی حقیقت ہے جو ہمیشہ موجود رہے گی۔
چینی صدر کا کہنا تھا کہ اس وقت دنیا وبائی دور سے گزر رہی ہے اور وبا کے خلاف جدوجہد جاری ہے، لیکن ہم جانتے ہیں کہ سرد موسم بہار کی آمد کو نہیں روک سکتا اور نہ ہی تاریک رات صبح کی کرنوں کو روک سکتی ہے۔ انہوں نے اس یقین کا اظہار کیا کہ آفات کے خلاف بنی نوعِ انسان کی جدوجہد فتح سے ہمکنار ہوگی۔
انہوں نے اس امر پر بھی زور دیا کہ اختلافات کو خوفناک قرار نہیں دیا جاسکتا۔ تاہم غرور، تعصب اور نفرت خوفناک ہیں، انسانی تہذیب کو مختلف درجوں میں تقسیم کرنا خوفناک ہے اور اپنی تاریخی ثقافت اور معاشرتی نظام کو دوسری اقوام پر مسلط کرنا خوفناک ہے۔
شی جن پھنگ کے بقول، بنی نوع انسان کا کرہ ارض ایک ہی ہے اور ان کا مستقبل مشترک ہے، جسے مدنظر رکھتے ہوئے اس حقیقت کا ادراک ضروری ہے کہ موجودہ بحران سے نمٹنے اور بہتر مستقبل کی جدوجہد کیلئے بنی نوع انسان کو مل کر کام کرنے، متحد ہونے اور باہمی تعاون میں اضافے کی ضرورت ہے۔
چینی صدر نے عالمی برادری کو باہمی تعاون کو فروغ دینے کی دعوت دیتے ہوئے کہا کہ آئیے ہم ہاتھوں میں ہاتھ ڈال کر کثیرجہتی کی مشعل سے بنی نوع انسان کی ترقی کا راستہ روشن کریں اور بنی نوع انسان کے مشترکہ معاشرے کی تعمیر کےلیے مل کر کوشش کریں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔