شبلی فراز صحافیوں سے بات چیت پر شہبازگل پر برہم ہوگئے

ویب ڈیسک  بدھ 27 جنوری 2021
صحافیوں سے بات کرنا میرا کام ہے، آپ ایسا نہیں کر سکتے، شبلی فراز کا شہبازگل سے مکالمہ۔ فوٹو:فائل

صحافیوں سے بات کرنا میرا کام ہے، آپ ایسا نہیں کر سکتے، شبلی فراز کا شہبازگل سے مکالمہ۔ فوٹو:فائل

 اسلام آباد: وفاقی وزیراطلاعات شبلی فراز نے شہباز گل کو صحافیوں سے بات کرنے سے روک دیا۔

ایکسپریس نیوز کے مطابق پارلیمانی پارٹی اجلاس کے بعد معاون خصوصی شہباز گل کی صحافیوں سے بات چیت پر وفاقی وزیراطلاعات شبلی فراز برہم ہو گئے، اور شہباز گل کو صحافیوں سے بات کرنے سے روک دیا

شبلی فراز نے شہبازگل سے کہا کہ آپ صحافیوں کے ساتھ کھڑے نہ ہوں، میں پریس کانفرنس کرنے جارہا ہوں۔ جس پر شہبازگل نے کہا کہ میں صحافیوں کے سوالات کے جواب دے رہا ہوں۔ شبلی فراز نے برہمی کا اظہار کرتے ہوئے کہا کہ یہ میرا کام ہے، آپ ایسا نہیں کر سکتے، آپ بھی میرے ساتھ پریس کانفرنس میں آجائیں۔

بعد ازاں میڈیا سے  بات کرتے ہوئے شبلی فراز کا کہنا تھا کہ وزیراعظم کا موقف ہے سینیٹ الیکشن شفاف ہونا چاہئیں، ہمارا جمہوری فرض ہے کہ براڈشیٹ کی تحقیقات کریں۔ وزیراطلاعات کا کہنا تھا کہ ڈالر کی قیمت بڑھنے سےقرض میں 3 کھرب کا اضافہ ہوا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔