- نظامِ شمسی میں موجود پوشیدہ سیارے کے متعلق مزید شواہد دریافت
- اہم کامیابی کے بعد سائنس دان بلڈ کینسر کے علاج کے لیے پُرامید
- 61 سالہ شخص کا بائیو ہیکنگ سے اپنی عمر 38 سال کرنے کا دعویٰ
- کراچی میں غیرملکیوں کی گاڑی پر خودکش حملہ؛ 2 افراد جاں بحق
- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی20 بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
سپریم کورٹ کا پرلاب مندر میں ہولی منانے کیلیے سیکیورٹی فراہم کرنے کا حکم
اسلام آباد: سپریم کورٹ نے پرلاب مندر میں ہولی تہوار منانے کے لیے پنجاب حکومت کو سیکیورٹی فراہم کرنے کا حکم دے دیا۔
سپریم کورٹ میں اقلیتوں کے حقوق اور کرک واقعہ از خود نوٹس کیس کی سماعت ہوئی۔
چیف جسٹس نے کہا کہ کرک واقعہ میں 119 افراد گرفتار ہوئے، مندر کے معاملہ پر ذمہ داران سے ابھی تک ریکوری نہیں ہوئی، مندر کو جن لوگوں نے نقصان پہنچایا ان سے وصولی کریں۔ ایڈیشنل ایڈووکیٹ جنرل کے پی نے بتایا کہ کےپی حکومت نے مندر کی تعمیر کے لیے تین کروڑ اڑتالیس لاکھ مختص کیے ہیں۔
چیف جسٹس نے ریمارکس دیے کہ متروکہ املاک کی ساری پراپرٹیز لیز پر دے دی گئی ہے، حالانکہ متروکہ املاک کی جائیداد کسی کو نہیں دی جا سکتی، متروکہ اپنے زمین پر ہاوسنگ سوسائیٹیز کیسے بنا سکتی ہے۔ کرک واقعے کے انکوائری کمیشن کے سربراہ شعیب سڈل نے بتایا کہ متروکہ املاک کے حکام کمیشن کیساتھ تعاون نہیں کرتے۔ اس پر چیف جسٹس نے کہا کہ متروکہ املاک کے چیرمین کو بلا لیتے ہیں۔
ہندو رہنما رمیش کمار نے کہا کہ کمشنر ملتان نے پرلاب مندر میں ہولی کے تہوار کے انعقاد پر ہاتھ کھڑے کر دیئے ہیں، کمشنر کہتے ہیں کہ اگر ہولی تہوار کرایا تو سیکورٹی کا مسئلہ بن جائیگا۔
عدالت نے پرلاب مندر میں ہولی تہوار منانے کے لیے پنجاب حکومت کو سیکورٹی فراہم کرنے کا حکم دیتے ہوئے ہدایت کی کہ چیف سیکرٹری پنجاب اور آئی جی پنجاب اس تہوار کے انعقاد کے معاملے کو خود دیکھیں، ہولی کا تہوار 28 مارچ کو ہی ہوگا، ہولی تو منانا ہی ہے۔
سپریم کورٹ نے آئندہ سماعت پر چیرمین متروکہ وقف املاک کو طلب کرتے ہوئے کرک مندر کی تعمیر کا ٹائم فریم بھی پیش کرنے کا حکم دیا اور کیس کی سماعت آئندہ پیر تک ملتوی کردی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔