شہزاد رائے کے نئے گانے میں مودی کی کھنچائی

 کراچی: معروف گلوکار و سوشل ورکرشہزاد رائے نے اپنے نئے ریپ سانگ ’کون کس کا آدمی ہے‘ میں بھارتی وزیراعظم مودی کی کھنچائی کی جو سوشل میڈیا صارفین کو بھا گئی۔

اپنے ریپ سانگ میں شہزاد رائے خود بھی شامل ہیں اورگانے کے ایک حصے میں انہوں نے مودی کی طرح ایک شخص کو بھی اپنی وڈیومیں شامل کیا ہے۔

پورے ریپ سانگ میں مودی حکومت کی جانب سے پاک بھارت تعلقات میں نفرت عام کرنے سمیت فلموں پرپابندی سے متعلق فیصلوں پرمودی کو تنقید کا نشانہ بنایا گیا۔

مداحوں کی جانب سے ریپ سانگ بے حد پسند کیا جارہا ہے۔ ایک صارف نے کہا کہ بھارتی وزیراعظم مودی اسی لائق ہیں جب کہ ایک اورصارف نے شہزاد رائے کی تعریف کرتے ہوئے لکھا کہ یہ زبردست کام کردیا۔

وڈیو میں مودی کو لگنے والی سی پیک کی کک کو بھی مداحوں نے خوب سراہا۔

Kya PM Modi ko #kashmir #FarmersProtest ki kick lagee? Watch the full video here https://t.co/6kI1cVwZkK #KonKisKaAadmiHai pic.twitter.com/tDtUG6EIIV

— Shehzad Roy (@ShehzadRoy) February 9, 2021

گانے میں یہ بھی دکھایا گیا کہ  پاکستان کی فضائی حدود کی خلاف ورزی کرنے والے بھارتی پائلٹ ابھی نندن کو پاکستان کی طرف سے جذبہ خیر سگالی کے تحت کس طرح رہا کیا گیا تھا۔

ایک اورصارف نے گلوکارکی تعریف کرتے ہوئے کہا کہ میوزک کے ذریعے اصل مسائل کو اجاگرکرنا بہترین ہے۔