اپوزیشن قومی اسمبلی کے آئندہ اجلاس میں شرکت پرآمادہ

اسلام آ باد: وزارت پارلیمانی امور نے 20 جنوری کو قومی اسمبلی کا اجلاس  بلانے کی سمری وزیراعظم ہاؤس ارسال کردی جبکہ اپوزیشن نے آئندہ اجلاس میں شرکت کرنے کا اعلان کیا ہے۔

آن لائن کے مطابق اسپیکرقومی اسمبلی سردارایازصادق اوروزیرمملکت برائے پارلیمانی امور نے اپوزیشن لیڈر سید خورشید شاہ اورشاہ محمودقریشی سے ملاقات کی جس میں اسپیکرنے اپوزیشن کو منا کرآئندہ اجلاس میں شرکت کرنے پرآمادہ کیا،وزیرمملکت نے رابطہ کرنے پربتایاکہ سیدخورشید شاہ اورشاہ محمودقریشی کی مہربانی ہے کہ انھوں نے ہماری گزارش کومان لیا ہے۔