- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
رکشہ ڈرائیورکی بیٹی کی ’مس انڈیا‘ کے مقابلہ حسن تک پہنچنے کی کہانی
ممبئی: بھارت میں منعقد ہونے والے مس انڈیا کے مقابلے میں رنر اپ یعنی دوسرے نمبر پر بھارت کی سب سے زیادہ خوبصورت قرار دی جانے والی مانیا سنگھ ایک رکشہ ڈرائیورکی بیٹی ہیں۔ مانیا سنگھ کی کہانی کے چرچے پورے بھارتی میڈیا میں ہورہے ہیں۔
10 فروری کومس انڈیا 2020 کے مقابلے میں رنراپ یعنی دوسرے نمبر پر بھارت کی سب سے زیادہ خوبصورت قرار دی جانے والی مانیا سنگھ نے اپنی زندگی کی کہانی شیئرکی ہے۔
مانیا سنگھ بھارتی ریاست اترپردیش سے تعلق رکھنے والے رکشہ ڈرائیوراوم پرکاش سنگھ کی بیٹی ہیں۔ مانیا نے اپنی زندگی میں تعلیم حاصل کرنے اور زندگی میں آگے بڑھنے کے لیے کڑی محنت کی ہے۔ بھارتی میڈیا رپورٹس کے مطابق مانیا سنگھ کو ان کے والدین نے کالج بھیجنے کے لیے بہت جدوجہد کی ہے۔
تاہم آج وہ جس مقام پرپہنچ چکی ہیں وہ کسی بھی لڑکی کا خواب ہوتا ہے۔ مانیا سنگھ نے کڑی محنت سے اپنے خواب کو پورا کردکھایا۔ فیمینا مس انڈیا کے آفیشل انسٹاگرام اکاؤنٹ پردسمبر 2020 کو شیئر کی جانے والی ایک پوسٹ میں مانیا نے اپنے والدین کے ساتھ تصویرشیئر کرتے ہوئے اپنی زندگی کی کہانی بیان کی ہے۔
مانیا سنگھ نے بتایا کہ ان کی زندگی آسائشوں سے بھرپورنہیں تھی بلکہ انہوں نے بہت مشکلات بھری زندگی گزاری ہے وہ دن میں تعلیم حاصل کرتی تھیں، شام میں برتن دھوکر اپنے اخراجات کے لیے پیسے کماتی تھیں اوررات میں ایک کال سینٹرمیں کام کرتی تھیں۔
مانیا کے مطابق ان کی مقابلہ حسن میں شرکت دنیا کو یہ ظاہرکرتی ہے کہ اگر کوئی اپنے خوابوں کو پورا کرنا چاہے اور اپنے خاندان کی ترقی کے لیے پُرعزم رہے تو کچھ بھی ناممکن نہیں۔ مقابلہ حسن میں رنرز اپ آنے کے بعد مانیا نے انسٹاگرام اسٹوری پر اپنے والدین کی تصویر شیئر کی۔ تصویر میں وہ ایک اخبار کو ہاتھ میں لیے ہوئے ہیں جس میں مانیا کی مقابلہ حسن میں تاج پہنے ہوئے تصویرموجود ہے۔ انہوں نے اپنے والدین کو عزت دیتے ہوئے کہا میں ان کی پوجا کرتی ہوں۔
مانیا سنگھ تعلیم کو ایک مضبوط ہتھیار قرار دیتی ہیں اور آگے مینجمنٹ اسٹڈیز میں تعلیم جاری رکھنے کا ارادہ رکھتی ہیں۔ مانیا سنگھ کے بائیو کے مطابق وہ سابق مس ورلڈ اور بھارتی اداکارہ پریانکا چوپڑا سے متاثر ہیں۔ اس کے علاوہ ان کی والدہ ان کی زندگی میں بہت اہمیت رکھتی ہیں اور ان کی والدہ نے ہی انہیں زندگی میں آگے بڑھنے کا حوصلہ دیا۔ انہوں نے اپنی ماں سے کڑی محنت کرنے اور کبھی نہ ہار ماننے کی خوبیاں سیکھیں۔
واضح رہے کہ 10 فروری کو منعقد ہونے والی مس انڈیا مقابلے کی تقریب میں جنوبی بھارت کی ریاست تلنگانہ سے تعلق رکھنے والی مناسا واراناسی نے فیمینا مس انڈیا 2020 کا ٹائٹل جیتا ہے۔ اترپردیش کی مانیا سنگھ اس مقابلے میں رنرز اپ رہیں جب کہ بھارتی ریاست ہریانہ سے تعلق رکھنے والی مانیکا شیوکنڈ نے فیمینا مس گرینڈ انڈیا 2020 کا ٹائٹل اپنے نام کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔