برطانوی وزیراعظم ہاؤس میں 10 سال سے چوہوں کے شکار پر مامور بلاّ

ویب ڈیسک  بدھ 17 فروری 2021
چیف ماؤسر نے ڈیوڈ کیمرون، تھریسامے اور بورس جانسن کے ادوار دیکھے، فوٹو : ٹوئٹر

چیف ماؤسر نے ڈیوڈ کیمرون، تھریسامے اور بورس جانسن کے ادوار دیکھے، فوٹو : ٹوئٹر

 لندن: برطانیہ کے وزیراعظم کی سرکاری رہائش گاہ پر چوہوں کا شکار کرنے پر تعینات بلّے کی مدتِ ملازمت 10 سال ہوگئی۔

عالمی خبر رساں ادارے کے مطابق برطانیہ میں وزیراعظم ہاؤس میں ایک ایسا بلاّ موجود ہے جسے باقاعدہ طور پر چوہے مارنے کے لیے دس سال قبل تعینات کیا گیا تھا۔ یہ بلاّ وزیراعظم ہاؤس میں ’’ چیف ماؤسر‘‘ کے نام سے مشہور ہے تاہم اس کا اصل نام لیری ہے۔

Chief Mouser Lerry in Birtish PM house 4

لیری کی بطور ’’ چیف ماؤسر‘‘ تعیناتی نہایت دلچسپ ہے، دس سال قبل ایک براہ راست نشریات کے دوران سیاہ رنگ کا ایک بڑا چوہا دیکھا گیا جس سے کافی جگ ہنسائی ہوئی تھی۔ اس واقعے کے بعد ہی لیری کو لاوارث پالتو جانوروں کے سینٹر سے حاصل کیا گیا تھا۔

Chief Mouser Lerry in Birtish PM house 1

لیری کی ذمہ داریوں میں وزیراعظم ہاؤس میں موجود چوہوں کو اپنی خوراک بنانا ہے اور لیری کو یہ ذمہ داری نبھاتے دس سال مکمل ہوگئے ہیں جب کہ اس دوران تین وزرائے اعظم ڈیوڈ کیمرون، تھریسا مے اور بورس جانسن وزیراعظم ہاؤس کے مکین بنے۔

Chief Mouser Lerry in Birtish PM house 2

یوں تو برطانوی وزیراعظم ہاؤس میں اس قبل ہمفری نامی ایک بلّے نے بھی چوہوں کا شکار کیا اور 1997 میں ریٹائرڈ ہوگیا لیکن عالمی شہرت 14 سالہ لیری کو ہی حاصل ہوئی۔

Chief Mouser Lerry in Birtish PM house 5

دلچسپ بات یہ ہے کہ موصوف ’’چیف ماؤسر‘‘ کا ٹوئٹر اکاؤنٹ بھی ہے جسے 45 ہزار لوگ فالو کرتے ہیں اور اس بلّے کو الیکٹرانکس اور ڈیجیٹل میڈیا میں ایک سلیبیرٹی کا درجہ حاصل ہوگیا ہے۔

Chief Mouser Lerry in Birtish PM house 5

چیف ماؤسر کو میڈیا میں بھی کافی کوریج ملتی ہے اور عالمی نشریاتی اداورں میں خصوصی رپورٹس بھی نشر ہوئی ہیں۔

Chief Mouser Lerry in Birtish PM house 3

بلّے کی نگرانی کے لیے سیکیورٹی اہلکار بھی مامور ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔