یش راج فلمزکا 2021  میں 4 فلمیں ریلیز کرنے کا اعلان

 ممبئی: مشہور بھارتی فلم پروڈکشن ہاؤس یش راج فلمز نے رواں سال 4 فلمیں ریلیز کرنے کا اعلان کردیا ہے۔

یش راج فلمز نے اپنی آفیشل ٹوئٹ میں فلم دیکھنے والوں کے لئے بڑی خبر دیتے ہوئے کہا کہ ہمارا پروڈکشن ہاؤس رواں سال ریلیز ہونے والی فلموں کا اعلان کر رہا ہے کیوں کہ ہم فلموں کے شوقین افراد کو سنیما میں واپس دیکھنا چاہتے ہیں۔

یش راج فلمز کی ٹوئٹ کے تحت رواں سال ریلیز ہونے والی فلموں میں پہلی فلم ’سندیپ اور پنکی فرار ‘ ہے جس میں ارجن کپور اور پرینیتی چوپڑا مرکزی کردار ادا کر رہے ہیں۔ فلم 19 مارچ کو ریلیز کی جائے گی۔

#YRF announces slate of films for 2021, wants to bring audiences back to the theatres! pic.twitter.com/IlORxW94Ln

— Yash Raj Films (@yrf) February 17, 2021

دوسری فلم سیف علی خان اور رانی مکھرجی کی ہے جوکہ ’ بنٹی اور ببلی‘  کا سیکوئل ہے۔ فلم 23 اپریل کو ریلیز کے لئے پیش کی جائے گی۔

تیسری اور بڑی فلم جس کا سوشل میڈیا پر کافی چرچہ بھی ہے وہ رنبیر کپور، وانی کپور  اور سنجے دت کی فلم ’ شمشیرہ ‘ ہے جوکہ 25 جون کو سنیما گھروں کی زینت بننے جا رہی ہے۔

27 اگست کو ریلیز کی جانے والی چوتھی اور آخری فلم ’جاییش بھائی جوردار‘ ہے جس میں مرکزی کردار رنویر سنگھ ادا کریں گے۔