- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
- 9 مئی کے ذمے دار آج ملکی مفاد پر حملہ کر رہے ہیں، وزیراطلاعات
- کراچی میں تیز بارش کا امکان ختم، سسٹم پنجاب اور کےپی کیطرف منتقل
- ’’کرکٹرز پر کوئی سختی نہیں کی! ڈریسنگ روم میں سونے سے روکا‘‘
- وزیرداخلہ کا غیرموثر، زائد المیعاد شناختی کارڈز پر جاری سمزبند کرنے کا حکم
- راولپنڈی اسلام آباد میں روٹی کی سرکاری قیمت پر نان بائیوں کی مکمل ہڑتال
- اخلاقی زوال
- کراچی میں گھر کے زیر زمین پانی کے ٹینک سے خاتون کی لاش ملی
- سندھ میں گیس کا ایک اور ذخیرہ دریافت
- لنکن ویمنز ٹیم نے ون ڈے کرکٹ میں تاریخ رقم کردی
- ٹیم ڈائریکٹر کے عہدے سے کیوں ہٹایا گیا؟ حفیظ نے لب کشائی کردی
- بشریٰ بی بی کی بنی گالہ سب جیل سے اڈیالہ جیل منتقلی کی درخواست بحال
- کمر درد کے اسباب اور احتیاطی تدابیر
- پھل، قدرت کا فرحت بخش تحفہ
- بابراعظم کی دوبارہ کپتانی؛ حفیظ کو ٹیم میں گروپنگ کا خدشہ ستانے لگا
- پاک نیوزی لینڈ سیریز؛ ٹرافی کی رونمائی کردی گئی
- اپنے دفاع کیلیے جو ضروری ہوا کریں گے ، اسرائیل
- ہر 5 میں سے 1 فرد جگر کی چربی سے متعلقہ بیماری میں مبتلا ہے، تحقیق
وزیراعظم اور سری لنکن ہم منصب کے درمیان جنوبی ایشیا میں تنازعات کے حل پر بات چیت
کولمبو: وزیراعظم عمران خان دو روزہ سرکاری دورے پر سری لنکا پہنچ گئے جہاں سری لنکن ہم منصب سے ملاقات میں سیکیورٹی، دفاع اور دیگر امور پر بات چیت ہوئی۔
سرکاری اعلامیے کے مطابق وزیراعظم عمران خان کے کولمبو پہنچنے پر ان کے سری لنکن ہم منصب مہندا راجا پاکسے نے ان کا بھرپور استقبال کیا۔ اس موقع پر کولمبوایئرپورٹ پر وزیراعظم کے اعزاز میں استقبالیہ تقریب بھی منعقد کی گئی جس میں دونوں ملکوں کے ترانے بجائے گئے۔
وزیراعظم عمران خان کو کولمبو پر گلدستے پیش کیے گئے اور وزیراعظم کو گارڈ آف آنر بھی پیش کیا گیا، ان کے اعزاز میں توپوں کی سلامی بھی دی گئی۔
A reception was arranged in honor of PM @ImranKhanPTI besides presenting gun salute and guard of honorhttps://t.co/JIWTXdIOyF#PMIKinSL @SrilankaPMO @PresRajapaksa @ForeignOfficePk @PakPMO @MFA_SriLanka pic.twitter.com/IembjRTUkh
— Radio Pakistan (@RadioPakistan) February 23, 2021
منصب سنبھالنے کے بعد وزیرِ اعظم عمران خان کا سری لنکا کا یہ پہلا دورہ ہے وہ سری لنکن ہم منصب مہندا راجا پاکسے کی دعوت پر کولمبو پہنچے۔ ان کے ہمراہ وزیر خارجہ شاہ محمود قریشی، مشیر تجارت عبد الرزاق داؤد، معاون خصوصی زلفی بخاری بھی موجود تھے۔
سرکاری اعلامیے کے مطابق دونوں وزرائے اعظم کے درمیان ون آن ون ملاقات کے بعد وفود کی سطح پر بات چیت ہوئی۔ دونوں رہنماؤں نے جنوبی ایشیاء میں امن، استحکام اور معاشی خوشحالی کے مشترکہ مقاصد کو آگے بڑھانے پر گفتگو کی۔
پاکستان اور سری لنکا کے مابین وسیع البنیاد اور پائیدار شراکت کو تقویت دینے پر تبادلہ خیال ہوا۔ دونوں رہنماؤں نے مختلف شعبوں میں مل کر کام کرنے کے اپنے عزم کا اعادہ کیا۔
ملاقات میں تجارت، سرمایہ کاری، آئی ٹی اور ہیومن ریسورس، زراعت، سائنس اینڈ ٹیکنالوجی میں تعاون کے فروغ پر اتفاق ہوا جب کہ سمیت دفاعی تعاون، ثقافت اور سیاحت کے شعبوں میں تعاون کے وسیع امکانات کا اعتراف کیا گیا۔
سری لنکن وزیراعظم نے پاکستان کے بدھ مت ورثے اور مذہبی سیاحت کی بڑی صلاحیت کے وجود کی تعریف کی، دونوں ممالک کا مذہبی سیاحت، مہمان نوازی کی صنعت میں باہمی تعاون پر اتفاق اور کثیرالجہتی شعبے میں قریبی تعاون پر اطمینان کا اظہار کیا گیا۔
اعلامیہ میں کہا گیا ہے کہ پاکستان اور سری لنکا نے کورونا وائرس سے نمٹنے میں نسبتا بہتر کارکردگی کا مظاہرہ کیا، کورونا وائرس کے منفی معاشی اثرات کو کم کرنے کے لیے ’’قرض سے متعلق امداد پر عالمی اقدام‘‘ کی اہمیت کو اجاگر کیا گیا۔
وزیر اعظم عمران خان نے خطے میں قیام امن اور استحکام کے لیے افغانستان میں تنازع کے سیاسی حل کو فروغ دینے اور جنوبی ایشیاء کے تنازعات کو بات چیت کے ذریعے حل کرنے پر زور دیا۔
فریقین نے علاقائی تعاون کے لیے سارک کے عمل کو آگے بڑھانے کی اہمیت پر اتفاق کیا۔ آخر میں وزیر اعظم عمران خان نے وزیر اعظم مہندا راجا پاکسے کو پاکستان کے دورے کی دعوت دی۔
1975ء اور 1986ء میں کرکٹ کے لیے سری لنکا آیا تھا، عمران خان
دریں اثنا وزیراعظم عمران خان نے اپنے ٹویٹ میں کہا کہ ایک بار پھر سری لنکا آنے پر بے حد خوشی ہے، میں 1975ء اور 1986ء میں کرکٹ کے لیے سری لنکا آیا تھا، میں نے اپنے پہلے دوروں میں سری لنکا کی کرکٹ کا ارتقائی دور دیکھا، آج سری لنکن وزیراعظم کی جانب سے شاندار مہمان نوازی سے بھرپور لطف اٹھایا۔
We had interesting conversations on a wide range of issues of mutual interest. I want to especially thank @PresRajapaksa for the gala dinner this evening. Tomorrow I will be meeting the Sri Lankan President @GotabayaR followed by a meeting with the Sri Lankan business community.
— Imran Khan (@ImranKhanPTI) February 23, 2021
عمران خان نے کہا کہ ہم نے ہاہمی دلچسپی کے مختلف امور پر تفصیلی تبادلہ خیال کیا، ہمارے اعزاز میں گالہ ڈنر کا اہتمام کرنے پر مہندا راجہ پاکسے کا خصوصی شکریہ ادا کرتا ہوں، کل میں سری لنکن صدر اور کاروباری برادری سے بھی ملاقاتیں کروں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔