کنگنا نے خود کو سری دیوی کا متبادل قرار دے دیا

 ممبئی: بالی ووڈ میں اپنے متنازع بیانات سے مشہور اداکارہ کنگنا رناوت نے خود کو آنجہانی اداکارہ سری دیوی کا نعم البدل قرار دے دیا۔

کنگنا ہمیشہ کی طرح اس بار بھی اپنی ٹویٹ میں مضحکہ خیز بات کی ہے۔ انہوں نے اپنی دس سال قبل ریلیز ہونے والی فلم ’تینو ویڈ مینو‘ کی ایک تصویر شیئر کی جس میں انہوں نے خود کو آنجہانی اداکارہ سری دیوی کا نعم البدل قرار دیا۔

I was stuck in edgy/neurotic roles, this film changed the trajectory of my career, was my entry in to mainstream that too with comedy, with Queen and Datto I strengthened my comic timing and became the only actress after legendary SriDevi ji to do comedy #10yearsoftanuwedsmanu https://t.co/WMXgPdi781

— Kangana Ranaut (@KanganaTeam) February 25, 2021

کنگنا نے اپنی ٹویٹ میں یہ بھی کہا کہ میں تیز طرار اور جھگڑالو کرداروں میں پھنس کر رہ گئی تھی لیکن اس فلم نے میرے کیریئر کی راہ تبدیل کردی۔ اس طرح میں مرکزی اور نمایاں طور پر فلم میں آگئی اور وہ بھی کامیڈی کے شعبے میں۔ پھر کوئن اور ڈٹو کے ساتھ میں نے اپنی مضحکہ خیز کیمسٹری کو بہتر بنایا اور آنجہانی سری دیوی کے بعد واحد خاتون اداکارہ بنی جو کامیڈی کرسکتی ہے۔

واضح رہے کہ 2011ء میں آنند ایل رائے کی ہدایت کاری میں بننے والی رومانوی کامیڈی فلم ’’تینو ویڈ مینو‘‘میں کنگنا رناوت نے اداکار مدھون کے ہمراہ نوک جھونک کرنے والی لڑکی کا کردار ادا کیا تھا۔