جیل سے رہائی کے بعد مریم نواز کی حمزہ شہباز کے ساتھ سیلفی

 لاہور: منی لانڈرنگ کیس میں قید مسلم لیگ (ن) کے نائب صدر حمزہ شہباز کی رہائی کے بعد مریم نواز نے ان کے ساتھ سیلفی لی۔

مریم نواز نے جیل کے دروازے کے باہر حمزہ شہباز کا استقبال کیا، انہیں گلے لگا کر مبارکباد دی اور کمر تھپتھپائی۔

https://twitter.com/MaryamNSharif/status/1365627813013905413

لیگی کارکنوں کی جانب سے حمزہ شہباز کی گاڑی پر پھولوں کی پتیاں نچھاور کی گئیں تو حمزہ شہباز نے کارکنوں کو دیکھ کر ہاتھ ہلا کر ان کے نعروں کا جواب دیا۔ حمزہ شہباز گاڑی کی اگلی نشست پر جبکہ مریم نواز پچھلی نشست پر موجود تھیں۔

https://twitter.com/TararAttaullah/status/1365647111354785792

اس خبرکوبھی پڑھیں: جیل میں گلنے سڑنے نہیں دے سکتے، حمزہ شہباز کی رہائی کا تحریری فیصلہ جاری

مسلم لیگ ن کی ایم پی اے عنیزہ فاطمہ پولیس بینڈ باجا لےکر کوٹ لکھپت جیل پہنچ گئیں۔ لیگی رہنما پولیس بینڈ اور ڈھول کی تھاپ پر رقص بھی کرتے رہے جبکہ سفید گھوڑی کا رقص بھی پیش کیا گیا۔

حمزہ شہباز سنٹرل جیل کوٹ لکھپت سے بڑی ریلی کی صورت میں اپنی رہائشگاہ کی جانب روانہ ہوئے۔ جیل کے باہر سڑک پر گاڑیوں کی لمبی قطاریں لگ گئیں۔ لوگ گاڑیوں، موٹر سائیکلوں اور پیدل بھی ریلی میں چلتے رہے۔