سینیٹ الیکشن سے متعلق ایک اور ویڈیو سامنے آگئی

 اسلام آباد: سینیٹ الیکشن میں ووٹ کی خرید و فروخت سے متعلق ایک اور ویڈیو سامنے آگئی اور یہ ویڈیو یوسف رضا گیلانی کے بیٹے علی حیدر گیلانی کی ہے۔

ایکسپریس نیوز کے مطابق سینیٹ انتخابات سے متعلق ووٹ کی خریدوفروخت پر ایک اور ویڈیو سامنے آگئی جس کی وجہ سے بھونچال آگیا۔ تازہ ویڈیو یوسف رضا گیلانی کے بیٹے علی حیدر گیلانی کی ہے۔ اس ویڈیو میں علی حیدر گیلانی ویڈیو میں نظر آنے والے دوسرے شخص کو ووٹ ضائع کرنے کا طریقہ بتا رہے ہیں۔

Video Proof of Ali Haider Gillani showing MNA's how to waste their vote to favour Yousaf Raza Gillani in senate election. For Pakistani resistance these are the so called guardians of democracy in Pakistan.pic.twitter.com/lQntz99Auk

— Musa (@MusaNV18) March 2, 2021

ویڈیو میں علی حیدر گیلانی دوسرے شخص کو بیلٹ پیپر پر دو جگہ نشان لگانے کا طریقہ بتا رہے ہیں۔  ذرائع کا کہنا ہے کہ علی حیدر گیلانی کے ساتھ ویڈیو میں نظر آنے والا دوسرا شخص تحریک انصاف کا رکن قومی اسمبلی ہے جسے وہ بتارہے ہیں کہ اس طرح ووٹ دوسری جماعت کو دینا ہے یا اپنا ووٹ ضائع کرنا ہے یہ حکمت عملی آپ کو خود طے کرنی ہے۔

یہ خبر بھی پڑھیں: سینیٹ کے لیے ووٹوں کی خریداری کا نیا اسکینڈل سامنے آگیا

الیکشن کمیشن کا ویڈیو کی تحقیقات کا حکم

دریں اثنا الیکشن کمیشن نے سید علی گیلانی کی ویڈیو منظر عام پر آنے کے بعد اس کا نوٹس لیتے ہوئے تحقیقات کا حکم دے دیا۔ الیکشن کمیشن نے کہا ہے کہ سید علی رضا گیلانی ویڈیو کی میرٹ پر تحقیقات ہوں گی۔