حکومت جاچکی لیکن اس کو سنبھالنے والے نہیں جانے دیتے، آصف زرداری

ویب ڈیسک  بدھ 3 مارچ 2021
صحافی سوال پر سابق صدر نے کہا کہ سینیٹ الیکشن سمیت ان کا ہاتھ کب نہیں رہا؟۔ فوٹو:فائل

صحافی سوال پر سابق صدر نے کہا کہ سینیٹ الیکشن سمیت ان کا ہاتھ کب نہیں رہا؟۔ فوٹو:فائل

 اسلام آباد: سابق صدر آصف زرداری کا کہنا ہے کہ  حکومت جاچکی ہے، جو انکو نہیں جانے دینا چاہتے وہ سنبھال کر بیٹھے ہیں۔

قومی اسمبلی میں سابق صدر آصف علی زرداری نے صحافی نے سوال کیا کہ آپ نے پیش گوئی کی تھی کہ حکومت مارچ میں چلی جائے گی۔ جس کے  جواب میں پیپلزپارٹی کے شریک چیئرمین آصف زرداری نے کہا کہ حکومت تو گئی ہوئی ہے، جو ان کو نہیں جانے دینا چاہتے وہ سنبھال کر بیٹھے ہیں۔

صحافی نے سوال کیا کیا سینٹ الیکشن میں بھی ان کا ہاتھ ہے۔ جس پر آصف زرداری نے مسکراتے ہوئے جواب دیا کہ ان کا ہاتھ کب نہیں رہا؟۔ صحافی نے سوال کیا کہ کیا آپ کو وہ قوتیں غیر جانبدار ہیں؟ ۔ جس پر سابق صدر نے سوال کیا کہ کیا آپ کو نظر آ رہی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔