ریلوے لائن کے نزدیک ٹک ٹاک بناتے ہوئے ہولناک حادثے کی ویڈیو سامنے آگئی

ویب ڈیسک  ہفتہ 6 مارچ 2021
ریلوے ٹریک کے نزدیک ٹک ٹاک بنانے کا خطرناک رجحان بڑھتا جارہا ہے(ٖفوٹو، فائل)

ریلوے ٹریک کے نزدیک ٹک ٹاک بنانے کا خطرناک رجحان بڑھتا جارہا ہے(ٖفوٹو، فائل)

نوشہرہ: ریلوے لائن کے نزدیک ٹک ٹاک بناتے ہوئے پیش آنے والے ہولناک حادثے کی ویڈیو سامنے آگئی۔ 

نوشہر میں ریلوے ٹریک پر ٹاک ٹاک بناتے ہوئے زندگی سے ہاتھ دھو بیٹھنے والے نوجوان کی  ویڈیو سامنے آگئی۔  چار  روز  قبل امانگڑھ میں ٹرین کی ٹکر سے بیس سالہ منصور جاں بحق ہوا تھا۔

ویڈیو میں دیکھا جاسکتا ہے کہ نوجوان ریلوے ٹریک پر ٹرین کے آنے کے دوران ٹک ٹاک بنا رہا ہے۔ ٹک ٹاک بنانے کے دوران کی ویڈیو سامنے آ ئی۔

یہ خبر بھی پڑھیے: نوجوان کو چلتی ریل گاڑی کے ساتھ ٹک ٹاک ویڈیو کا شوق پڑگیا

واضح رہے کہ ریلوے ٹریک کے نزدیک ٹک ٹاک بنانے کے باعث پاکستان میں متعدد اموات ہوچکی ہیں اور کئی مقامات پر پولیس نے اس حوالے سے کارروائی بھی کی ہے تاہم ان ہولناک واقعات کے باجود یہ رجحان برقرار ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔