لاہور قلندرز کے تحت ملک کی سب سے بڑی ہاکی لیگ کراچی میں ہوگی

اسپورٹس رپورٹر  اتوار 7 مارچ 2021
 ہاکی کا کھویا ہوا مقام واپس لانے کے لیے نیا ٹیلنٹ سامنے لائیں گے، ثمین رانا

ہاکی کا کھویا ہوا مقام واپس لانے کے لیے نیا ٹیلنٹ سامنے لائیں گے، ثمین رانا

 کراچی:  لاہورقلندرز کے تحت ملک کی سب سے بڑی ہاکی لیگ کراچی میں ہوگی، یہ فیصلہ قومی کھیل ہاکی کے فروغ کا بیڑا اٹھانے والی کرکٹ فرنچائزکے وفد نے کے ایچ اے ہاکی گراؤنڈ کے دورے پرکیا۔

اس میں چیف ایگزیکٹیو عاطف رانا، چیف آپریٹنگ آفیسر ثمین رانا اور ہیڈ کوچ عاقب جاوید شامل تھے،وفد نے گراؤنڈ کے مختلف حصوں کا جائزہ لیا، ثمین رانا نے کہا کہ پاکستان میں ٹیلنٹ کو سامنے لانا ہمارا مشن ہے، ہاکی کا کھویا ہوا مقام واپس لانے کے لیے نیا ٹیلنٹ سامنے لائیں گے.

عاطف رانا نے اس موقع پر کہا کہ ہم ہر کھیل کے کھلاڑی کیلیے پلیٹ فارم فراہم کریں گے،کے ایچ اے کے سیکریٹری حیدر حسین نے کہاکہ ہمیں خوشی ہے کہ کرکٹ فرنچائز نے قومی کھیل ہاکی پر توجہ دی، قلندرز ہاکی لیگ رمضان میں ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔