اسلام آباد میں پولیس پٹرولنگ ٹیم پر فائرنگ، ایک اہل کار شہید دو شدید زخمی

ویب ڈیسک  اتوار 7 مارچ 2021
ٹیم نے موٹر سائیکل کو روکنے کی کوشش کی تو سواروں نے فائرنگ کردی، ایک اہلکار کی حالت نازک (فوٹو : فائل)

ٹیم نے موٹر سائیکل کو روکنے کی کوشش کی تو سواروں نے فائرنگ کردی، ایک اہلکار کی حالت نازک (فوٹو : فائل)

 اسلام آباد: جی تیرہ میں پولیس پٹرولنگ ٹیم پر نامعلوم افراد نے فائرنگ کردی جس کے سبب ایک اہلکار شہید اور دو شدید زخمی ہوگئے۔

پولیس کے مطابق ایک سب انسپکٹر اور دو پولیس جوان کنٹینر چوک پر معمول کی چیکنگ پر تھے کہ اس دوران انہوں ںے چیکنگ کے لیے اایک موٹر سائیکل کو روکا تاہم موٹر سائیکل سوار افراد نے فائرنگ کردی نتیجے میں ایک سب انسپکٹر اور دو پولیس جوان زخمی ہوگئے۔

islamabad police van firing, solders injured

پولیس کے مطابق سب انسپکٹر جمیل، ہیڈ کانسٹیبل قاسم اور کانسٹیبل قیصر فائرنگ سے زخمی ہوئے جنہیں علاج کے لیے پمز اسپتال منتقل کردیا گیا جہاں زخموں کی تاب نہ لاتے ہوئے قاسم نے دم توڑ دیا۔ واقعے کے بعد پولیس افسران نفری کے ہمراہ موقع پر پہنچ گئے اور علاقہ کو کارڈن آف کرکے سرچ آپریشن شروع کردیا گیا۔

islamabad police van firing, solders killed

یہ پڑھیں : راولپنڈی میں فائرنگ سے ایس ایچ او عمران عباس شہید

islamabad police van firing, solders injured 2

ڈی آئی جی آپریشنز افضال کوثر نے کہا ہے کہ جلد ملزمان کو ٹریس کرکے گرفتار کرلیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔