شکار پور میں دو گرپوں میں تصادم، 3 افراد جاں بحق

شکار پور: تحصیل لکھی شاہ میں دو گروپوں کے مابین تصادم  میں 3 افراد جاں بحق اور 7 زخمی ہوگئے۔

ایکسپریس نیوزکے مطابق شکارپور کی تحصیل لکھی غلام شاہ میں جتوئی برادری کے دو گروپوں میں مسلح تصادم کے دوران فائرنگ کے تبادلے میں 3 افراد جاں بحق اور 7 زخمی ہوگئے۔

پولیس حکام کا کہنا ہے کہ رستم تھانے کی حدود میں جتوئی برادری کے دو گروہوں خاناٹی اور کمالانی کے درمیان کارو کاری کا پرانا تنازعہ چل رہا تھا، جو آج مسلح تصادم میں تبدیل ہوگیا اور دونوں جانب سے مورچہ بند فائرنگ کا تبادلہ جاری ہے، اور اب تک 3 افراد کے جاں بحق ہونے کی تصدیق ہوچکی ہے۔

پولیس حکام کے مطابق فائرنگ میں جاں بحق ہونے والوں میں بخشل خانانی، کاکو کمالانی اور جوتی دادوانی شامل ہیں، جب کہ زخمی افراد میں سے 4 کی حالت تشویشناک ہے، تاہم دوطرفہ شدید فائرنگ کے باعث ریسکیو اور پولیس کی ٹیمیں موقع پر نہیں پہنچ پارہیں۔