متحدہ عرب امارات کی پہلی خاتون خلانورد ناسا پروگرام کے لیے منتخب

دبئی: متحدہ عرب امارات نے ناسا کے خلائی پروگرام کے لیے اپنی پہلی خاتون خلانورد سمیت دو آسٹرونوٹس کو منتخب کرلیا ہے۔ 

عالمی خبر رساں ادارے کے مطابق متحدہ عرب امارات نے ناسا میں تربیت کے لیے اپنے خلائی پروگرام کے لیے مزید دو خلا نوردوں کو منتخب کیا ہے جن میں ملک کی پہلی خاتون خلا نورد بھی شامل ہیں۔ دونوں کو اب ناسا کے ہوسٹن میں واقع جانسن خلائی مرکز میں تربیت دی جائے گی۔

اس حوالے سے متحدہ عرب امارات کے وزیراعظم اور نائب صدر شیخ محمد بن راشد المکتوم نے اپنی ٹویٹ میں اعلان کیا کہ نورا المطروشی اور محمد المولا کو ناسا کے تربیتی پروگرام کے لیے ملک بھر کے 4 ہزار سے زائد خلا نوردوں میں سے منتخب کیا گیا ہے۔

We announce the first Arab female astronaut, among two new astronauts, selected from over 4,000 candidates to be trained with NASA for future space exploration missions. Congratulations Noura Al Matrooshi and Mohammed Al Mulla. pic.twitter.com/bfyquyzqAJ

— HH Sheikh Mohammed (@HHShkMohd) April 10, 2021

واضح رہے کہ یو اے ای کی سات امارتوں سے تعلق رکھنے والے 4 ہزار سے زیادہ امیدواروں نے خلائی پروگرام میں شامل ہونے کے لیے درخواست دی تھی لیکن ان میں سے صرف دو منتخب ہوسکے ہیں۔