سعودی عرب میں کل پہلا روزہ ہوگا

ریاض:  سعودی عرب میں آج نماز عشاء کے بعد پہلی تراویح ادا کی جائے گی جب کہ کل پہلا روزہ ہوگا۔

سعودی عرب میں ہلالِ ماہِ صیام دیکھنے کے لیے خصوصی کمیٹی کا اجلاس ہوا تھا اور اس ضمن میں فلکیاتی مشاہدات سے بھی چاند کی تلاش کی گئی تھی تاہم مقررہ وقت میں چاند دیکھنے کی کوئی شہادت نہیں ملی۔

چاند نہ نکلنے کی وجہ سے سعودی عرب میں اب پہلا روز کل بروز منگل ہوگا جب کہ آج شب تروایح کے اجتماعات کورونا ایس او پیز کے تحت منعقد کیئے جائیں گے۔

یہ خبر پڑھیں : خانہ کعبہ اور مسجد نبوی میں اجتماعی افطار اور اعتکاف پر پابندی کا اعلان 

Just In: Crescent for the month of Ramadan was not sighted in Saudi Arabia this evening. #Ramadan2021 #Ramadan #SaudiArabia https://t.co/c4S8OcMjge

— salaamedia (@salaamedia) April 11, 2021

اس سے قبل سعودی عرب کے سپریم کورٹ نے بھی ملک بھر کے شہریوں سے درخواست کی تھی کہ وہ رمضان المبارک کا چاند دیکھنے کی صورت میں اس کی شہادت ضرور جمع کرائے۔ تاہم اس ضمن میں کوئی بھی شہادت موصول نہیں ہوئی۔