شام نے اپنے ہی شہریوں پر کلورین بم گرائے، رپورٹ

ویب ڈیسک  پير 12 اپريل 2021
او پی سی ڈبلیو کی اس رپورٹ ہر شامی حکومت نے تاحال کوئی تبصرہ نہیں کیا ہے۔

او پی سی ڈبلیو کی اس رپورٹ ہر شامی حکومت نے تاحال کوئی تبصرہ نہیں کیا ہے۔

دمشق: شام اپنے ہی شہریوں پر کلورین بم گرانے کا ذمے دار نکلا۔ کیمیائی ہتھیاروں کی روک تھام کے لیے کام کرنے والے بین الاقوامی ادارے (OPCW) کا کہنا ہےکہ اس بات کہ کافی شواہد موجود ہیں کہ شامی فضائیہ نے باغیوں کے زیر تسلط علاقے میں کلورین بموں کا استعمال کیا تھا۔

’آرگنائزیشن فار دی پروہیبیٹیشن آف کیمیکل ویپن‘ (او پی سی ڈبلیو) کی جانب سے جاری ہونے والی نئی تحقیقاتی رپورٹ کے مطابق شامی فضائیہ نے2018 میں سرقاب شہر میں باغیوں کے زیر قبضہ رہائشی علاقے پربیرل بموں کے ذریعے زہریلی کلورین گیس پھینکی تھی۔

اگر چہ باغیوں کے زیر تسلط علاقے ال تلیل میں بیرل بموں کے ذریعے گرائی گئی اس کلورین گیس سے کوئی ہلاکت نہیں ہوئی تھی، تاہم درجنوں افراد اس کیمیائی زہر سے متاثر ہوئے تھے، اور ان میں کافی عرصے تک جی متلانے، چکر آنکھوں میں جلن، سانس لینے میں تنگی، کھانسی اور چھینکوں کی علامت سامنےآتی رہی تھی۔

او پی سی ڈبلیو کی اس رپورٹ پرشامی حکومت نے تاحال کوئی تبصرہ نہیں کیا ہے۔

 

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔