- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
سندھ؛ جامعات کے انتظامی اختیارات ایچ ای سی کو منتقل کرنے سے روک دیا گیا
کراچی: وزیر اعلی سندھ سید مراد علی شاہ نے صوبے کی سرکاری جامعات کے انتظامی اختیارات کو محکمہ یونیورسٹیز اینڈ بورڈز سے سندھ اعلی تعلیمی کمیشن کو منتقل کرنے سے عارضی طور پر روک دیا۔
صوبے کی سرکاری جامعات کو سندھ ایچ ای سی کے انتظامی اختیار میں دینے سے روکنے کا فیصلہ سندھ کابینہ کے اجلاس میں معاملے پر متعلقہ سیکریٹری کی بریفنگ کے بعد کیا گیا۔
بریفنگ میں کہا گیا تھا کہ سندھ میں اٹھارویں ترمیم کے بعد سرکاری جامعات کو ایک کے بجائے کئی انتظامی اداروں کے پاس اپنے مسائل لے کر جانا ہوتا ہے، پہلے جامعات کے معاملات صرف چانسلر سیکریٹریٹ/گورنر ہاؤس سے ڈیل ہوتے تھے اب وزیر اعلی ہاؤس، محکمہ یونیورسٹیز اینڈ بورڈز، محکمہ فنانس، اے جی سندھ و دیگر ادارے ایسے ہیں جہاں یہ جامعات اپنے انتظامی معاملات پیش کرتی ہیں۔
سندھ کابینہ میں اس بریفنگ کے بعد کہا گیا کہ چونکہ مشیر برائے محکمہ یونیورسٹیز اینڈ بورڈز نثار کھوڑو یہاں موجود نہیں لہذا چیف سیکریٹری اس معاملے پر اسٹیک ہولڈرز کا اجلاس بلاکر اس پر مزید رائے لے لیں جس کے بعد اسے دوبارہ کابینہ کے اجلاس میں پیش کیا جائے۔
یاد رہے کہ سرکاری جامعات کا اختیار محکمہ یونیورسٹیز اینڈ بورڈز سے لینے کی سمری چیئرمین سندھ اعلی تعلیمی کمیشن ڈاکٹر عاصم حسین نے وزیر اعلی سندھ کو بھجوائی تھی اگر سندھ کابینہ اپنے آئندہ اجلاس میں اس کی منظوری دیتی ہے تو صوبے کی سرکاری جامعات میں وائس چانسلر کے انتخاب کے لیے قائم سرچ کمیٹی خود ہی محکمہ یونیورسٹیز اینڈ بورڈ کے انتظامی اختیار میں نہیں رہے گی اور سندھ ایچ ای سی ہی تلاش کمیٹی میں رد و بدل کرکے وائس چانسلر کے انتخاب کا عمل خود کرسکے گی۔
واضح رہے کہ سندھ ایچ ای سی کے چیئرمین ڈاکٹر عاصم حسین کے عہدے کی دوسری مدت پوری ہونے میں ابھی تقریبا ایک سال باقی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔