- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
جاپانی تابکار فضلے کی سمندر بردگی پر چین کی کڑی نکتہ چینی
بیجنگ:
چینی وزارتِ خارجہ کے ترجمان چاؤ لی جیان نے جاپان کی جانب سے لاکھوں ٹن تابکار آلودہ پانی کی سمندر بردگی پر شدید تنقید کرتے ہوئے کہا ہے کہ اس خطرناک عمل کی تاریخ میں مثال نہیں ملتی۔
گزشتہ روز چینی وزارت خارجہ کے ترجمان نے فوکوشیما جوہری بجلی گھر سے گندے تابکار پانی کے سمندر میں اخراج سے متعلق ایک سوال کا جواب دیتے ہوئے کہا کہ جاپانی میڈیا کے اپنے اندازوں کے مطابق، جاپان اگلے تیس برسوں میں تابکار فاضل پانی کے دس لاکھ ٹن کو سمندر میں خارج کرے گا۔ اس خطرناک عمل کی تاریخ میں مثال نہیں ملتی۔
انہوں نے جاپان سے تین سوالات پوچھے:
پہلا، کیا جاپان نے ملکی و غیرملکی شکوک و شبہات سنے؟ جاپان کے اس عمل کی جاپان کے اپنے عوام، چین، جنوبی کوریا، روس اور یورپی یونین کے علاوہ، تین سو سے زائد ماحولیاتی تحفظ کے گروپوں نے بھرپور مخالفت کی ہے۔
دوسرا، کیا جاپان کا یہ اقدام بین الاقوامی قوانین کے مطابق ہے؟ جاپان اس فیصلے سے سنگین جوہری حادثے کے بعد تابکاری پانی کو سمندر میں خارج کرنے کی پہلی مثال قائم کررہا ہے۔ کچھ لوگوں کا خیال ہے کہ جاپان کے اس فیصلے کو امریکا کی آشیرباد حاصل ہے۔ تاہم امریکا کی اجازت پوری عالمی برادری کی اجازت کے برابر نہیں۔
تیسرا، کیا جاپان کا تابکاری فاضل پانی واقعی بین الاقوامی معیار کے مطابق ہے؟ بین الاقوامی جوہری توانائی ایجنسی (آئی اے ای اے) کی رپورٹ میں اس بات کی نشاندہی کی گئی ہے کہ فوکوشیما جوہری پلانٹ کے فاضل پانی میں ابھی تک تابکار اجزاء موجود ہیں۔ اس رپورٹ میں فوکوشیما ایٹمی آلودگی شمالی امریکا تک پھیلنے کا امکان ظاہر کیا گیا ہے۔
چاؤ لی جیان نے زور دیا کہ نہ تو سمندر جاپان کا کچرے دان ہے اور نہ ہی بحرالکاہل جاپان کا گٹر ہے۔ جاپان کو ایٹمی فاضل پانی سے نمٹنے کےلیے پوری دنیا کو خطرے سے دوچار نہیں کرنا چاہیے۔
ایک اور خبر کے مطابق، گزشتہ روز جنوبی کوریا میں ایوان صدر کے ترجمان نے کہا کہ جنوبی کوریا کے صدر مون جے این نے اسی دن جنوبی کوریا میں متعین جاپان کے سفیر کو جاپان کے جوہری فاضل پانی کے سمندر میں اخراج پر تشویش سے آگاہ کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔