ترک صدراور خاتون اول کی عام شہری کے گھر پر افطارمیں شرکت

انقرہ: ترک صدر رجب طیب ایردوان اور ان کی اہلیہ خاتون اول امینہ ایردوان کی عام شہری کے گھر میں افطار کرنے کی تصاویر سوشل میڈیا پر وائرل ہورہی ہیں۔

ترکی اردو نامی ٹویٹر ہینڈل پر ترک صدر اور ان کی اہلیہ کی چند تصاویر شیئر کی گئیں جن میں ان دونوں نے نہ صرف ایک عام شہری کے گھر پر افطار میں شرکت کی اور اہلخانہ کے ساتھ افطار کیا بلکہ اس موقع پر بچوں کو تحائف بھی دئیے۔

صدر رجب طیب ایردوان اور خاتون اول امینہ ایردوان نے آج ایک عام شہری کے گھر پر افطار میں شرکت کی اور اہل خانہ کے ساتھ افطار کیا۔ pic.twitter.com/FrqBxBZvA3

— ترکی اردو (@TurkeyUrdu) April 14, 2021

تصاویر میں دیکھا جاسکتا ہے کہ افطار کے موقع پر پھل اور کھجوروں سمیت سادہ اشیا موجود تھیں جن سے تقریباً ہر عام انسان افطاری کرتا ہے۔ ترک صدر اور ان کی اہلیہ نے بھی اہلخانہ کے ساتھ سادہ افطاری کی۔ افطار کے بعد ترک صدر اور خاتون اول نے اہلخانہ سے چائے کی نشست پر تبادلہ خیال بھی کیا۔

قوم کا آدمی، قوم کے ایک گھر میں، قوم کے دل میں
صدر رجب طیب ایردوان اور خاتون اول امینہ ایردوان نے آج ایک عام شہری کے گھر پر افطار میں شرکت کی۔ اس موقع پر بچوں کو تحائف دیے۔ اہل خانہ سے چائے کی نشست پر تبادلہ خیال کیا pic.twitter.com/CKQQWMQEKo

— ترکی اردو (@TurkeyUrdu) April 14, 2021