بھارتی فوج کی فائرنگ سے مزید 2 کشمیری نوجوان شہید

ویب ڈیسک  منگل 20 اپريل 2021
بھارتی فوج کی مظاہرین پر فائرنگ اور پیلٹ گن کے استعمال کے نتیجے میں متعدد نوجوان زخمی۔ فوٹو : فائل

بھارتی فوج کی مظاہرین پر فائرنگ اور پیلٹ گن کے استعمال کے نتیجے میں متعدد نوجوان زخمی۔ فوٹو : فائل

شوپیاں: مقبوضہ کشمیر میں قابض فوج نے فائرنگ کرکے مزید 2 کشمیری نوجوانوں کو شہید کردیا۔

کشمیر میڈیا سروس کے مطابق بھارتی فوج نے حالیہ ریاستی دہشتگردی کی کارروائیوں کے دوران فائرنگ کرکے مزید 2 کشمیری نوجوانوں کو شہید کردیا، قابض فوج نے ضلع شوپیاں میں نام نہاد سرچ آپریشن کے دوران گھر گھر تلاشی اور اسی دوران اندھا دھند فائرنگ شروع کردی جس کے نتیجے میں نوجوان شہید ہوگئے۔

کشمیر میڈیا سروس کے مطابق  نوجوانوں کی شہادت کے بعد علاقے میں قابض فوج کی ریاستی دہشتگردی کے خلاف شدید احتجاج کیا گیا جس پر بھارتی فوج نے فائرنگ کی اور پیلٹ گن کا بھی استعمال کیا جس کے نتیجے میں متعدد نوجوان زخمی ہوگئے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔