- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
کالعدم تحریک لبیک کا لاہور دھرنا ختم کرنے کا اعلان
لاہور: قومی اسمبلی میں قرارداد پیش کرنے پر کالعدم تحریک لبیک پاکستان (ٹی ایل پی) نے لاہور کے مرکزی دھرنے سمیت ملک بھر میں احتجاج ختم کرنے کا اعلان کردیا۔
ایکسپریس نیوز کے مطابق حکومت کی جانب سے فرانس کے سفیر کو ملک بدر کرنے سے متعلق قرارداد قومی اسمبلی کے اجلاس میں پیش کرنے پر تحریک لبیک نے لاہور کے مرکزی دھرنے کو بھی ختم کرنے کا اعلان کردیا۔
قبل ازیں رات گئے ٹی ایل پی نے ملک بھر کے دھرنے ختم کرکے صرف لاہور کا دھرنا جاری رکھنے کا کہا تھا۔
یہ بھی پڑھیں : قومی اسمبلی اجلاس؛ فرانسیسی سفیر کو ملک بدر کرنے کی قرارداد جمعہ تک مؤخر
دھرنا ختم کرنے کا اعلان کالعدم تنظیم کے رہنما شفیق امینی اور شوریٰ کے دیگر ارکان نے کیا۔ شفیق امینی نے کہا کہ حکومت نے قومی اسمبلی میں قرارداد پیش کرکے وعدہ پورا کیا جب کہ دیگر معاملات میں بھی مثبت پیش رفت ہوئی ہے۔
علامہ ڈاکٹر شفیق امینی نے اپنے ویڈیو پیغام میں کہا کہ پاکستان کی تاریخ میں پہلی بار فرانس کے سفیر کی ملک بدری سے متعلق قرارداد قومی اسمبلی میں پیش کی گئی، اس قرارداد پر جو بحث ہوئی ہے یہ اللہ پاک کا کرم ہے، اللہ پاک نے اس قوم کو تحریک لبیک کی صورت میں ایک تحفہ دیا ہے۔
انہوں نے کہا کہ حکومت نے ہمارے ساتھ فرانس کے سفیر کو ملک بدر کرنے سے متعلق قرارداد قومی اسمبلی میں پیش کرنے کا وعدہ کیا تھا اس پرعمل ہوچکا ہے لہذا اب مرکزی دھرنے سمیت ملک بھر میں جہاں بھی احتجاج ہورہا ہے اسے ختم کردیا گیا ہے، دیگرمعاملات بارے بھی مثبت پیش رفت ہورہی ہے۔
انہوں نے کہا کہ کارکنان پرامن رہیں، تمام مرکزی قائدین صورت حال کودیکھ رہے ہیں، سوشل میڈیا پربعض عناصراس کامیابی کو دبانے کی کوشش کررہے ہیں، تمام خبریں اوراطلاعات مرکزی شوری کی طرف سے جاری ہوں گی، یہ بہت بڑی کامیابی ہے کہ پاکستان کی قومی اسمبلی میں ناموس رسالت کی آواز گونجی ہے۔
یہ بھی پڑھیں : حکومت سے مذاکرات؛ تحریک لبیک کا لاہور دھرنے کے سوا احتجاج ختم کرنے کا اعلان
دریں اثنا حکومت اور تحریک لبیک کے درمیان کامیاب مذاکرات کے بعد اب سربراہ ٹی ایل پی حافظ سعد رضوی کو جلد ہی رہا کردیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔