- اسنیپ چیٹ کے ’سی ای او‘ کا مثالی اقدام
- حکومت اور آئی ایم ایف کے درمیان مذاکرات آج سے قطر میں شروع ہوں گے
- سپریم کورٹ کے فیصلے کے بعد حمزہ شہباز اور عثمان بزدار متحرک
- ڈیرہ بگٹی میں ہیضے کی وبا، 24 گھنٹوں میں 500 سے زائد افراد متاثر
- برطانوی رکن پارلیمنٹ جنسی زیادتی کے الزام میں گرفتار
- اتحادی جماعتوں کا 2023 تک حکومت کا ساتھ دینے کا فیصلہ
- وسیم اکرم اور وقار یونس جیسا کامیاب بولر بننا چاہتا تھا، ڈیرن گف
- وزیرخارجہ امریکا پہنچ گئے، امریکی ہم منصب سے 18 مئی کو ملاقات طے
- آٹھ سالہ پولیس سروس کے بعد کتے کی ریٹائرمنٹ کی ویڈیو وائرل
- سپریم کورٹ نے لوٹوں کے خلاف فیصلہ دے کر پاکستان کی اخلاقیات کو گرنے سے بچالیا، عمران خان
- رواں سال 34 لاکھ امریکی جلد کے کینسر میں مبتلا ہوسکتے ہیں، رپورٹ
- حکومت کا مستحق لوگوں کو پیٹرولیم مصنوعات پر ٹارگٹڈ سبسڈی دینے کیلیے پلان تشکیل
- چلتی گاڑی کو درست نشانہ بنانے کیلیے چین کا ہائپر سونک میزائل کا منصوبہ
- سندھ کے بلدیاتی انتخابات کے شیڈول کو کالعدم قرار دینے کے لیے ایم کیو ایم عدالت پہنچ گئی
- موسمیاتی تبدیلی، آم کی پیداوار میں 60 فیصد کمی
- پیٹرول اور ڈیزل کی قیمت بڑھائے بغیر معیشت دم توڑ جائے گی، مریم نواز
- محمد یوسف ٹاپ سے لوئر آرڈر تک ٹیم کی بیٹنگ مستحکم کرنے کے خواہاں
- سپریم کورٹ کے فیصلے کا مطلب ہے اسمبلیاں تحلیل اور حکومت ختم ہو گئی، فواد چوہدری
- عالمیِ یومِ فشارِخون: بلڈ پریشر کم کرنے والی غذائیں
- بھارت کا افغانستان میں سفارت خانہ کھولنے کا عندیہ
صنعتی تجزیاتی مرکز جامعہ کراچی کو بین الاقوامی ادارے نے تسلیم کرلیا

انڈونیشیا نے پاکستان سے انڈونیشیا برآمد غذائی اشیا کی تحقیقی جانچ پڑتال کیلیے ایچ ای جے ریسرچ انسٹیٹیوٹ کی ہی خدمات حاصل کی ہیں۔ فوٹو : فائل
کراچی: پاکستان نیشنل ایکریڈیٹیشن کونسل(پی این اے سی)، وفاقی وزارت برائے سائنس اور ٹیکنالوجی نے تجزیاتی معیار کی بلندی کے پیشِ نظر بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے صنعتی تجزیاتی مرکز (آئی اے سی) کو ’’سرٹیفکیٹ آف ایکریڈیٹیشن‘‘ دیا ہے۔
آئی سی سی بی ایس جامعہ کراچی کے سربراہ اور کامسٹیک کے کوآرڈینٹر جنرل پروفیسر ڈاکٹر محمد اقبال چوہدری نے جمعہ کو ایچ ای جے ریسرچ انسٹی ٹیوٹ آف کیمسٹری میں اجلاس سے خطاب کرتے ہوئے کہا کہ صنعتی تجزیاتی مرکز اعلیٰ پشہ ورانہ ماحول کا حامل ہے، ایچ ای جے ریسرچ انسٹیٹیوٹ آف کیمسٹری کے تحت صنعتی تجزیاتی مرکز 700 سے زیادہ صنعتوں کو سائنسی جانچ پڑتال کی اعلیٰ سہولت فراہم کر رہا ہے۔
پروفیسر اقبال چوہدری نے پاکستان نیشنل ایکریڈیٹیشن کونسل کی قومی خدمات کی تعریف کی اور کہا کہ ایک وفاقی ادارے کی جانب سے بین الاقوامی مرکز کے تحقیقی اور تجزیاتی معیار کا اعتراف پوری جامعہ کراچی کے لیے اعزاز کی بات ہے،۔
انھوں نے کہا کہ پاکستان نیشنل ایکریڈیٹیشن کونسل اْن تحقیقی مراکز یا تجربہ گاہوں کے معیار کی شناخت اور توثیق کرتی ہے جو متعدد سائنسی شعبہ جات بشمول مائیکرو بائیولوجیکل، کیمیکل، فوڈ، تعمیرات، ماحولیات، ٹیکسٹائل، فارماسیوٹیکل وغیرہ میں تجربات کرتے ہیں۔
پروفیسر اقبال چوہدری نے پروفیشینسی ٹیسٹ (پی ٹی) کے متعلق کہا کہ صنعتی تجزیاتی مرکز آئی ایس او کے معیار ISO/IEC 17043 پر تسلیم شدہ ادارہ ہے،پروفیشینسی ٹیسٹ دراصل آئی ایس او کے متعلقہ معیار کا اہم عنصر ہے جس کے ذریعے سے تجزیاتی عمل کی توثیق کی جاتی ہے۔
انھوں نے کہا کہ صنعتی تجزیاتی مرکز میں قائم خصوصی حلال تجرباتی لیبارٹری میں غذا ، کاسمیٹکس، ادویات میں موجود غیر حلال اجزا کی تجزیاتی سروس بھی جاری ہے، اس تجزیاتی مرکز میں سائنسدان مختلف تجربات سے متعلقہ اشیا میں غیر حلال کیمیائی و حیاتیاتی اور مصنوعی اجزا کی موجودگی کی جانچ پڑتال کرتے ہیں۔
پروفیسر نے کہا انڈونیشیا نے پاکستان سے انڈونیشیا برآمد ہونے والی غذائی اشیا کی تحقیقی جانچ پڑتال کے لیے ایچ ای جے ریسرچ انسٹیٹیوٹ جامعہ کراچی کی ہی خدمات حاصل کی ہیں۔
انڈونیشین ایگریکلچر قوارنٹین ایجنسی نے پاکستان کے اس معروف تحقیقی ادارے کو معیاری لیبارٹری قرار دیا ، انھوں نے کہاکہ یہاں پر تجزیاتی آلات پر بین الاقوامی معیار کی ٹریننگ بمعہ اسناد دی جاتی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔