اہل خانہ نے متھن چکرورتی کے کورونا میں مبتلا ہونے کی تردید کردی

ویب ڈیسک  بدھ 28 اپريل 2021
سوشل میڈیا پرلیجنڈ اداکار کی کورونا ٹیسٹ مثبت آنے کی افواہ پھیل گئی تھی(فائل فوٹو:انٹرنیٹ)

سوشل میڈیا پرلیجنڈ اداکار کی کورونا ٹیسٹ مثبت آنے کی افواہ پھیل گئی تھی(فائل فوٹو:انٹرنیٹ)

ممبئی: بالی ووڈ کے سینئر اداکار متھن چکرورتی کے بیٹے نے اپنے والد کے کورونا وائرس میں مبتلا ہونے کی خبروں کو جھوٹ قرار دے دیا۔

بھارتی میڈیا کے مطابق لیجنڈ اداکار متھن چکرورتی کے کورونا وائرس کا شکار ہونے کی خبر سوشل میڈیا پر جنگل میں آگ کی طرح پھیل گئی تھی تاہم اہل خانہ نے اس خبر کو افواہ قرار دے دیا۔

اداکار کے بیٹے مموح چکرورتی نے ایک بیان میں کہا ہے کہ خدا کے فضل اور مداحوں کے پیار اور نیک تمناؤں کی بدولت متھن چکرورتی کورونا سے محفوظ ہیں اور مغربی بنگال میں اپنے شو پر کام کررہے ہیں، ہم کورونا سے متعلق حفاظتی انتظامات پر سنجیدگی سے عمل کررہے ہیں کیوں کہ وبا کے خلاف یہ جنگ ہمیں ہر صورت جیتنی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔