اپنے ہی اغوا کا تاوان مانگنے والا مزدور گرفتار

ویب ڈیسک  ہفتہ 1 مئ 2021
گھر والے کاروبار کے لیے پیسے نہیں دیتے تھے جس کے لئے اغوا کا ڈرامہ رچایا، ملزم کا اعترافی بیان. فوٹو:فائل

گھر والے کاروبار کے لیے پیسے نہیں دیتے تھے جس کے لئے اغوا کا ڈرامہ رچایا، ملزم کا اعترافی بیان. فوٹو:فائل

گوجرانوالہ: اغواء کا جھوٹا ڈرامہ رچانے والا مزدور پولیس کے شکنجے میں آگیا۔

ایکسپریس نیوزکے مطابق گوجرانوالہ کے علاقے تھانہ کوٹ لدھا میں مزدور کے اغواء اور 80 لاکھ روپے تاوان کا ڈراپ سین ہو گیا، اپنے ہی اغواء کا جھوٹا ڈرامہ رچانے والا مزدورپولیس کے شکنجے میں آگیا ہے۔

پولیس حکام کے مطابق محمد نواز نامی شخص نے گھر والوں سے کاروبار کے لیے پیسے لینے کے لیے اغواء کا جھوٹا ڈرامہ رچایا، اور اغواء ہونے کے بعد علی پور چھٹہ کی مقامی مسجد میں رہائش پذیر تھا، نواز گھر کے گردونواح میں ہی لوکیشن بدل کر تاوان کے لیے گھر والوں کو تاوان کے لیے کال کرتا تھا۔

حکام نے بتایا کہ کوٹ لدھا پولیس نے ٹیکنکل بنیادوں پر کام کرتے ہوئے نوجوان کو گرفتار کرلیا، اور ملزم نے گرفتار ہوتے ہی اپنے جرم کا اعتراف کرتے ہوئے بتایا کہ گھر والے کاروبار کے لیے پیسے نہیں دیتے تھے اپنا کاروبار کرنے اور پیسے ہتھیانے کے کیے اغواء کا جھوٹا ڈرامہ رچایا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔