کنگنا رناوت بھارت میں مصنوعی آکسیجن کے پلانٹس لگنے پر سخت ناراض

 ممبئی: بالی وڈ اداکارہ کنگنا رناوت نے مودی سرکار کی جانب سے مصنوعی آکسیجن کے پلانٹس لگانے پر سخت ناراضگی کا اظہار کیا ہے۔

بھارت کی اس وقت کورونا وائرس کی سنگین صورتحال چل رہی ہے جہاں روزانہ کی بنیاد پر 3 لاکھ سے زائد کیسز رپورٹ ہورہے ہیں اور ہلاکتوں کی تعداد بھی ہزاروں میں ہے جب کہ آگسیجن کی کمی کے باعث بھی سیکڑوں ہلاکتیں ہورہی ہیں جس کے باعث مودی سرکار نے فیصلہ کیا ہے کہ بھارتی حکومت 3 ماہ کے اندر ملک میں 500 میڈیکل آکسیجن پلانٹس لگائے جائیں گے، ایک آکسیجن پلانٹ میں ایک منٹ کے اندر ایک ہزار لیٹر گیس فراہم کرنے کی صلاحیت ہوگی۔

Remember any other life if disappears from earth even microbes or insects it will affect fertility of soil and Mother Earth’s health she will miss them but if humans disappear Earth will only and only flourish,if you aren’t her lover or child you are just unnecessary #PlantTrees

— Kangana Ranaut (@KanganaTeam) May 3, 2021

سماجی رابطے کی ویب سائٹ پر ٹوئٹ کرتے ہوئے بالی ووڈ اداکارہ کنگنا رناوت کا کہنا تھا کہ کرہ ارض سے جرثومے یا کیڑے مکوڑوں کا خاتمہ  اسی کی زرخیزی پر اثر انداز ہوگا اور زمین انہیں یاد کرے گی لیکن انسان کے جانے سے زمین کو کوئی فرق نہیں پڑتا اگر آپ زمین سے محبت نہیں کرتے تو زمین کو قطعاً آپ کی کوئی ضرورت نہیں۔

Everybody is building more and more oxygen plants, getting tons and tons of oxygen cylinders, how are we compensating for all the oxygen that we are forcefully drawing from the environment? It seems we learnt nothing from our mistakes and catastrophes they cause #PlantTrees

— Kangana Ranaut (@KanganaTeam) May 3, 2021

بھارت میں مصنوعی آکسیجن کے پلانٹس نصب کرنے کے معاملے پر اداکارہ نے کہا ’’ ہر کوئی زیادہ سے زیادہ آکسیجن پلانٹس بنا رہا ہے اور آکسیجن سلینڈرز ٹنوں کے حساب سے مل رہے ہیں لیکن ہم کس طرح اس ساری آکسیجن کا بدلہ دے سکیں گے جو زبردستی ماحول سے لی جا رہی ہے، ایسا لگتا ہے ہم نے اپنی غلطیوں اور ان سے ہونے والی تباہی سے کچھ نہیں سیکھا‘‘۔

اس خبر کو بھی پڑھیں؛ بھارتی اسپتال میں آکسیجن نہ ہونے سے کورونا کے 24 مریض ہلاک

اداکارہ نے اپنی ٹوئٹس میں’’درخت اگانے‘‘ سے متعلق ہیش ٹیگ بھی استعمال کیا ۔ انہوں نے مزید کہا کہ انسانوں کے لیے آکسیجن پلانٹس کے اعلان کے ساتھ ساتھ حکومت کو فطرت کے لیے بھی کچھ ریلیف فراہم کرنا چاہیے اور جو لوگ اس آکسیجن کا استعمال کررہے ہیں انہیں ہوا اور فضا کے معیار کو بہتر بنانے کے لیے بھی کام کرنا چاہیے، ہم کب تک کسی طفیلیئے کی طرح زمین سے لیتے رہیں گے اور زمین کو واپس کب لوٹانا شروع کریں گے۔