- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- ججز دھمکی آمیز خطوط، اسلام آباد ہائیکورٹ کا مستقبل میں متفقہ ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
تابش خان کے سر پر بھی ٹیسٹ کیپ سج ہی گئی
لاہور: تابش خان کے سر پر بھی ٹیسٹ کیپ سج ہی گئی، وہ ڈیبیو کرنے والے تیسرے عمررسیدہ پاکستانی کرکٹر بن گئے۔
زمبابوے سے دوسرے ٹیسٹ کی پلیئنگ الیون میں جگہ بنانے والے تابش خان پاکستان کی جانب سے ڈیبیو کرنے والے تیسرے عمررسیدہ کرکٹر ہیں، پیسر کو 36 سال اور 146دن کی عمر میں کیریئر کا پہلا میچ کھیلنے کیلیے منتخب کیا گیا۔
میراں بخش نے 1955میں ٹیسٹ ڈیبیو کیا تو ان کی عمر 47 سال اور 284دن تھی، 1952میں عامر الٰہی نے اپنا پہلا ٹیسٹ44سال کی عمر میں کھیلا تاے، رواں صدی میں صرف دو ٹیموں نے کسی 36سالہ کرکٹر کو ڈیبیو کایا ہے۔
آئرلینڈ نے 2018میں ٹم مرٹیگ کو ٹیسٹ کیپ دی تھی، تابش خان دوسرے کرکٹر ہیں،ڈومیسٹک کرکٹ میں طویل سفر کے بعد اس منزل تک پہنچنے والے پیسر کو ہیڈ کوچ مصباح الحق نے گرین کیپ پہنائی۔
یاد رہے کہ تابش خان نے 17 فرسٹ کلاس سیزنز کھیلتے ہوئے 598شکار کیے،ہر دور میں پی سی بی حکام ڈومیسٹک کرکٹرز کو مواقع دینے کے دعوے کرتے مگر انھیں نظر انداز کرتے رہے،عروج کا دور گزر جانے کے بعد اب پیسر کو ڈیبیو کا موقع دیا گیا ہے، گذشتہ 2 فرسٹ کلاس سیزنز میں ان کی کارکردگی ماضی جیسی نظر نہیں آئی۔
تابش خان نے ایک سیزن میں 40.92کی اوسط سے 25جبکہ دوسرے میں 30.96کی ایوریج سے 30وکٹیں حاصل کی ہیں۔ پیسر 137فرسٹ کلاس میچز کھیلنے کے بعد ٹیسٹ کیپ پانے میں کامیاب ہوئے، سب سے زیادہ میچز کھیل کر ٹیسٹ ڈیبیو کا پاکستانی ریکارڈ خالد عباداللہ کے نام ہے، انھوں نے پہلا موقع پانے سے قبل 218 ڈومیسٹک مقابلوں میں شرکت کی تھی۔
تابش خان کی جگہ بنانے کیلیے پاکستان نے فہیم اشرف کو ڈراپ کیا،پہلے ٹیسٹ کی الیون میں کسی اور تبدیلی سے گریز کیا گیا۔
پیسر کا کہنا ہے کہ ہر کھلاڑی کا عزم ہوتا ہے کہ وہ ملک کی نمائندگی کا اعزاز حاصل کرے، میرا سفر طویل تھا مگر اب خواب کی تعبیر مل گئی، میں اپنی خوشی الفاظ میں بیان نہیں کر سکتا، نتائج اللہ تعالی کے ہاتھ میں ہیں مگر سبز ستارہ سینے پر سجایا ہے تو اس کی لاج رکھنے کے لیے بھرپور کوشش اور محنت کروں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔