ممبئی میں کرمنلز سے یورینیم نکلنے پر فخر عالم نے بھارت کو کھری کھری سنادیں

 لاہور: پاکستانی گلوکار فخرِ عالم نے ممبئی میں اسٹریٹ کرمنلز کے پاس سے یورینیم برآمد ہونے کی خبر پر بھارت کو کھری کھری سنا دیں ساتھ ہی دنیا سے بھارت سے جواب طلب کرنے کا مطالبہ بھی کر دیا۔

فخر عالم نے ممبئی میں اسٹریٹ کرمنلز کے پاس سے یورینیم برآمد ہونے کی خبر پر ردِعمل دیتے ہوئے کہا ہے کہ اس واقعہ پر دنیا کو بھارت سے جواب طلب کرنا چاہیے۔

India needs to answer the world how can the state allow its street criminals to posses uranium. Someone would have used this for terrorism & India would have claimed it was Pakistan. The truth has been exposed. The world must ask India to answer. https://t.co/3NMLQM20r9

— Fakhr-e-Alam (@falamb3) May 7, 2021

فخر عالم نے ٹویٹر پر بھارتی خبر رساں ادارے کی ایک خبر کا لنک شیئر کیا جو کہ ممبئی میں اسٹریٹ کرمنلز کے پاس سے 7 کلوگرام ریڈیو ایکٹو یورینیم برآمد ہونے کے بارے میں ہے۔ اس رپورٹ کو شیئر کرتے ہوئے فخرِ عالم نے لکھا کہ بھارت کو دنیا کو جواب دینے کی ضرورت ہے کہ ریاست اپنے اسٹریٹ مجرموں کو یورینیم رکھنے کی کیسے اجازت دے سکتی ہے؟

انہوں نے لکھا کہ جب اسے دہشت گردی کے لیے استعمال کیا جائے گا تو بھارت یہ دعوٰی کرے گا کہ یہ پاکستان سے آیا تھا۔ فخرِ عالم نے برہمی کا اظہار کرتے ہوئے لکھا کہ حقیقت بے نقاب ہوگئی ہے جس کے بعد اب دنیا کو بھارت سے جواب طلب کرنا ہوگا۔