- ٹرین سےگرخاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
- 9 مئی کے ذمے دار آج ملکی مفاد پر حملہ کر رہے ہیں، وزیراطلاعات
- کراچی میں تیز بارش کا امکان ختم، سسٹم پنجاب اور کےپی کیطرف منتقل
- ’’کرکٹرز پر کوئی سختی نہیں کی! ڈریسنگ روم میں سونے سے روکا‘‘
- وزیرداخلہ کا غیرموثر، زائد المیعاد شناختی کارڈز پر جاری سمزبند کرنے کا حکم
- راولپنڈی اسلام آباد میں روٹی کی سرکاری قیمت پر نان بائیوں کی مکمل ہڑتال
- اخلاقی زوال
- کراچی میں گھر کے زیر زمین پانی کے ٹینک سے خاتون کی لاش ملی
- سندھ میں گیس کا ایک اور ذخیرہ دریافت
- لنکن ویمنز ٹیم نے ون ڈے کرکٹ میں تاریخ رقم کردی
- ٹیم ڈائریکٹر کے عہدے سے کیوں ہٹایا گیا؟ حفیظ نے لب کشائی کردی
- بشریٰ بی بی کی بنی گالہ سب جیل سے اڈیالہ جیل منتقلی کی درخواست بحال
- کمر درد کے اسباب اور احتیاطی تدابیر
عابد علی نے ریکارڈز بک میں کئی کارنامے درج کرالیے
لاہور: ہرارے ٹیسٹ میں عابد علی نے ریکارڈز بک میں کئی کارنامے درج کرالیے، وہ زمبابوے میں سب سے بڑی اننگز کھیلنے والے پاکستانی بیٹسمین بن گئے۔
ہرارے ٹیسٹ میں عابد علی نے کئی ریکارڈز بنا دیے،وہ زمبابوے کیخلاف سب سے بڑی اننگز کھیلنے والے پاکستانی بیٹسمین بن گئے،اوپنر 215پر ناقابل شکست رہے، اس سے قبل یونس خان نے 200رنز ناٹ آؤٹ بنائے تھے، محمد وسیم 192، محمد یوسف 159اور فواد عالم 140رنزکی اننگز کھیل چکے ہیں،مجموعی طور پر اوپنر زمبابوے کیخلاف ڈبل سنچری بنانے والے تیسرے پاکستانی ہیں۔
اس سے قبل وسیم اکرم اور یونس خان کو یہ اعزاز حاصل ہے،عابد علی افریقی سرزمین پر ڈبل سنچری بنانے والے دوسرے ایشیائی بیٹسمین بنے،اس سے قبل مارون اتاپتو نے یہ سنگ میل عبور کیا تھا۔
ہرارے اسپورٹس کلب میں عابد علی نے سب سے بڑی اننگز کھیلی، گیری کرسٹن نے 2001میں 220رنز بنائے تھے،اسی میچ میں نعمان علی 9ویں نمبر پر بیٹنگ کرتے ہوئے پاکستان کیلیے دوسری بڑی اننگز کھیلنے میں کامیاب ہوئے، اس سے قبل آصف اقبال نے انگلینڈ کیخلاف اوول ٹیسٹ 1967میں 146رنز بنائے تھے، نعمان علی 2015 کے بعد ایک ٹیسٹ اننگز میں 5چھکے لگانے والے پہلے پاکستانی بیٹسمین ہیں، مصباح الحق نے انگلینڈ کیخلاف دبئی میں یہ کارنامہ سرانجام دیا تھا۔
دوسری جانب 18سال ڈومیسٹک کرکٹ کھیلنے کے بعد ڈیبیو کرنے والے 36سالہ تابش خان نے اپنے پہلے ہی اوور میں وکٹ حاصل کی،70سال بعد کسی نے اتنی زیادہ عمر میں اولین میچ کھیلتے ہوئے پہلا ہی اوور کارآمد بنایا ہے،اس سے قبل 1951میں جنوبی افریقی کرکٹر جی ڈبلیو چب نے 40کی عمر میں ڈیبیو کرتے ہوئے انگلش بیٹسمین کو آؤٹ کیا تھا۔
عابد علی ٹیسٹ کیریئر کی پہلی ڈبل سنچری بنانے پربیحد مسرور
عابد علی کیریئر کی پہلی ڈبل سنچری بنانے پر بیحد مسرور ہیں،ہرارے ٹیسٹ میں دوسرے روز کا کھیل ختم ہونے کے بعد اوپنر نے کہا کہ یہ سنگ میل عبور کرنے پر میں بہت خوش اور اللہ تعالیٰ کا شکرگزار ہوں،طویل اننگز میں اظہر علی کی شراکت میں 100 رنز بنانے کا موقع ملا، چھوٹی چھوٹی شراکتوں سے ٹیم کا ٹوٹل بھی بہتر ہوتا گیا، نعمان علی نے بھی اچھا ساتھ دیا اور حوصلہ بڑھایا کہ آپ کو لمبی اننگز کھیلنا اور ڈبل سنچری بنانا ہے، ہم دونوں نے خراب گیندوں پر رنز بنانے کی پلاننگ کی تھی، اس میں کامیاب بھی ہوئے، دوسرے اینڈ پر نعمان کے موجود ہونے کا فائدہ ہوا۔
انھوں نے کہا کہ میں کچھ عرصے سے ایک بڑی اننگز کھیلنے کا منتظر تھا،اس بار سیٹ ہوا تو موقع سے فائدہ اٹھایا ،کوچنگ اسٹاف نے میری حوصلہ افزائی کا سلسلہ جاری رکھا اور ایک پلان دیا۔ عابد علی نے کہا کہ صبح کے وقت پچ میں نمی ہوگی،اس لیے ہمارے پاس زمبابوین اننگز کو جلد سے جلد ختم کرنے کا اچھا موقع ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔