- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
کراچی میں دوران رمضان ڈاکو راج، مزاحمت پر 6 افراد جاں بحق
کراچی: رمضان المبارک کے بابرکت مہینے کے دوران شہر بھر میں ڈاکو راج عروج پر رہا جب کہ رمضان المبارک کے 29 روز میں ڈاکوئوں نے لوٹ مار کے دوران مزاحمت پر ریٹائرڈ خاتون پروفیسر اور پولیس اہلکار سمیت 6 افراد کو زندگی سے محروم کر دیا۔
رمضان المبارک کے بابرکت مہینے میں شہر کے مختلف علاقوں میں ڈاکوئوں نے لوٹ مار کی آزادانہ وارداتیں کرتے ہوئے پولیس اہلکار سمیت 2 افراد کو قتل جبکہ 23 افراد کو فائرنگ کر کے زخمی کر دیا۔
اعداد و شمار کے مطابق 21 رمضان المبارک بروز منگل 4 مئی کو ڈاکوئوں نے 4 افراد کو مزاحمت پر فائرنگ کر کے زخمی کیا جس میں شاہ لطیف ٹائون کے علاقے میں 25 سالہ سلیم، درخشاں کے علاقے خیابان قاسم پاور ہاؤس کے قریب شکیل، سچل کے علاقے سکندر گوٹھ میں کریانہ اسٹور پر فائرنگ سے 29 سالہ زین اللہ جبکہ 18 سالہ زاکر ٹی ٹی کے بٹ سے زخمی کر دیا گیا جبکہ اسی روز لیاقت آباد کے علاقے بلوچ ہوٹل کے قریب بھی ڈاکوئوں نے لوٹ مار کے دوران مزاحمت پر 40 سالہ سعید کو فائرنگ کر کے زخمی کر دیا۔
5 مئی کو منگھوپیر اجتماع گاہ روڈ پر ڈاکوئوں نے مزاحمت پر 36 اکبر اور پیر ا?باد کے علاقے میں میانوالی کالونی آصف کولڈ سینٹر پر مزاحمت پر 26 سالہ شیر خان زخمی ہوگیا جبکہ قائد آباد میں پولیس اور ڈاکوئوں کے درمیان فائرنگ کے تبادلے میں 2 افراد 26 ضیااللہ اور 22 محمد سلمان زخمی ہوئے۔
پولیس نے دعویٰ کیا ہے کہ زخمی ہونے والے دونوں افراد ڈاکوئوں کی فائرنگ سے زخمی ہوئے تھے ، 6 مئی کو سائٹ سپر ہائی صنعتی ایریا میں ڈاکوئوں کی فائرنگ سے 25 سالہ سیف اللہ جبکہ نیو کراچی الیون جی میں ڈاکوئوں کی فائرنگ سے حمزہ نامی نوجوان زخمی ہوگیا۔
نیو کراچی صنعتی ایریا کے علاقے میں ڈاکوئوں کی فائرنگ سے پولیس اہلکار سلیم زخمی ہوگیا تاہم پولیس نے مقابلے کے دوران ڈاکو کو زخمی حالت میں گرفتار کرلیا جبکہ اسی روز اسٹیل ٹائون کے علاقے گلشن حدید میں ڈاکوئوں نے لوٹ مار کے دوران مزاحمت پر نوعمر لڑکے سمیت 4 افراد کو زخمی کر دیا جس میں 12 سالہ عبداللہ ، 35 سالہ طاہر اور 30 سالہ بلال کے علاوہ ایک نامعلوم بھی شامل تھا جبکہ جمعرات کی رات بغدادی کے علاقے ماما ہوٹل گلی نمبر 2 شہزادہ خان منزل کے قریب مزاحمت پر ڈاکوئوں کی فائرنگ سے پولیس اہلکار معیز شہید ہوگیا جبکہ فائرنگ سے 6 سالہ ابوبکر اور 18 سالہ جہانزیب زخمی ہوگیا۔
مقتول پولیس اہلکار ایس پی سٹی کا ڈرائیور تھا ، 7 مئی اقبال مارکیٹ کے علاقے اورنگی ٹائون سیکٹر ساڑھے گیارہ میں ڈاکوؤں نے مزاحمت پر 35 سالہ ناصر کو فائرنگ کر کے زخمی کر دیا ، 8 مئی کو شاہ لطیف ٹائون ڈاکوئوں کی فائرنگ سے 22 سالہ اسامہ ، پاک کالونی میں آصف خان جبکہ اتحاد ٹائون میں ڈاکوئوں کی فائرنگ سے 40 سالہ بسم اللہ زخمی ہوگیا۔
9 مئی کو زمان ٹائون غوث پاک روڈ پر میڈیکل اسٹور میں ڈکیتی کے دوران مزاحمت پر دکان کا مالک 40 سالہ عمران ڈاکوئوں کی فائرنگ سے زندگی کی بازی ہار گیا جبکہ رات گئے اقبال مارکیٹ کے علاقے بلاک ایل اورنگی ٹائون میں ڈاکوئوں نے مزاحمت پر 53 سالہ تنویر کو فائرنگ کر کے زخمی کر دیا۔
11 مئی بروز منگل لانڈھی کربلا گرائونڈ کے قریب موٹر سائیکل سوار ڈاکوئوں نے لوٹ مار کے دوران مزاحمت پر 4 نوجوانوں کو فائرنگ کر کے زخمی کر دیا جس میں 18 سالہ شاہزیب ، 19 فہد ، 17 سالہ ضیغم اور 18 سالہ سمیع شامل ہیں ، 12 مئی کو زمان ٹاؤن کے علاقے بھٹائی کالونی میں ڈاکوئوں نے لوٹ مار کے دوران 28 سالہ راحیل کو ، کورنگی چمڑا چورنگی کے قریب ڈاکوئوں نے مزاحمت پر 30 سالہ ساجد کو جبکہ اسی روز ڈاکس کے علاقے نیٹی جیٹی پل کے قریب بھی ڈاکوئوں نے مزاحمت پر 22 سالہ محمد شیر کو فائرنگ کر کے زخمی کر دیا۔
رمضان کے مقدس مہینے میں ڈاکوؤں کی آزادانہ لوٹ مار نے پولیس کے دعوؤں اور سیکیورٹی اقدامات کی قلعی کھول دی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔